ʼE Tokaga Ia Te ʼAtua Kia Koutou
ʼE HAʼU te Tohi-Tapu mai te ʼAtua. Koia, ko te tohi pe ʼaia ʼe tou maʼu ai he ʼu tokoni ʼaoga. ʼE moʼoni, ʼe mole ko he tohi fakatoketa kae ʼe tou maʼu ai he ʼu tokoni ʼaoga moʼo tauʼi he ʼu aluʼaga ʼe tou lotohoha ai, mo fakatupu kovi ki ʼatatou fakakaukau. ʼE toe tokoni mai ke tou tauʼi te ʼu mamahi ʼae ʼe tou logoʼi ʼo feia pe mo te ʼu mahaki fakasino mo te faʼahi ʼo te fakakaukau.
ʼE ʼi ai te tahi faʼahi ʼe maʼuhiga age la ia. ʼE toe fakaha mai ʼi te Tohi-Tapu ʼe mahino lelei age totatou Tupuʼaga ko Sehova ʼAtuaa ki ʼatatou manatu mo te ʼu meʼa ʼae ʼe tou logoʼi. ʼE fia tokoni moʼoni mai ke tou tauʼi ʼotatou fihifihia fuli. Ohage la, ʼe feala ke kotou tokagaʼi te fakalotofimalie ʼo te ʼu vaega Tohi-Tapu ʼaeni ʼe lua:
“ ʼE ovi ia Sehova kia natou ʼae ʼe lotomamahi, ʼe ina haofaki ia natou fuli ʼae ʼe lotovaivai.”—PESALEMO 34:18.
“Ko au, ia Sehova tou ʼAtua, ʼe au toʼo tou nima mataʼu, ko au ʼae ʼe au ui atu: ‘ ʼAua naʼa ke mataku. ʼE au tokoni atu anai.’ ”—ESAIA 41:13.
Kae ʼe tokoni feafeaʼi mai ia Sehova ke tou tauʼi te mahaki ʼulu? ʼI te ʼu alatike ʼae ʼe hoa mai, ʼe kotou vakaʼi ai he ʼu fakamoʼoni ʼe tokaga moʼoni te ʼAtua kia tatou pea ʼe tokoni mai ia aluʼaga kehekehe.
a Ko Sehova ʼe ko te huafa ʼaia ʼo te ʼAtua.—Pesalemo 83:18.