’E Faka’apa’apa Koa Te Kau Fakamo’oni ’a Sehova Ki Te Tahi ’u Lotu?

’E matou mulimuli ki te tokoni ’ae ’i te Tohi-Tapu ke matou “fakaapaapa ki te u tagata fuli,” tatau aipe pe kotea tanatou lotu. (1 Petelo 2:17) Ohage la, ’i ’ihi fenua ’e matou toko lau ’i teau afe kau Fakamo’oni ’a Sehova, ka’e ’e mole matou faiga’i ke fakatu’akoi pe’e tapu’i te ’u gaue ’o te tahi atu ’u lotu e te kau takitaki pe’e ko natou ’ae ’e natou fakatu’u te ’u lao. Pea ’e mole matou faiga ke fakatu’u ni lao mo’o fakakinau’i te haha’i ke natou mulimuli ki ’amatou akonaki ’o ’uhiga mo te aga pea mo te tauhi. Ka’e ’e matou faka’apa’apa ki te haha’i, ohage pe ko tamatou loto ’ae ke natou faka’apa’apa’i matou.—Mateo 7:12.