Watchtower TANAKIʼAGA TOHI ʼI TE NETI
Watchtower
TANAKIʼAGA TOHI ʼI TE NETI
Faka'uvea
  • TOHI-TAPU
  • TOHI
  • FONO
  • ijwbq ʼalatike 146
  • ʼE Ha Koa ʼi Te ʼu Lea Fakapolofeta Ko Sesu Neʼe Ko Te Mesia?

Aucune vidéo n'est disponible pour cette sélection.

Il y a eu un problème lors du chargement de la vidéo.

  • ʼE Ha Koa ʼi Te ʼu Lea Fakapolofeta Ko Sesu Neʼe Ko Te Mesia?
  • Te ’u Tali Ki Te ’u Fehu’i Fakatohi-Tapu
  • Manatu Tafito
  • He Tahi ʼu Alatike
  • Te tali ’i te Tohi-Tapu
  • Kotea te fakaʼuhiga ʼo te kupu “Mesia”?
  • ʼE feala koa ki ni hahaʼi kehekehe ke natou fakahoko ia te ʼu lea fakapolofeta ʼae neʼe fai ʼo ʼuhiga mo te Mesia?
  • ʼE tou sio anai koa ki te Mesia ʼi te ka haʼu?
  • Ko lea fakapolofeta ʼe fia ʼe tu’u ʼi te Tohi-Tapu ʼe fakahaga ki te Mesia?
  • Ko ʼihi lea fakapolofeta ʼo ʼuhiga mo te Mesia ne’e fakahoko e Sesu
  • Ko Sesu Kilisito—Te Mesia ʼAē Neʼe Fakapapauʼi Mai
    Koteā ʼAē ʼe Akoʼi Moʼoni Mai ʼi Te Tohi-Tapu?
  • Te Fakakikite ʼo ʼUhiga Mo Te Mēsia
    Te Tule Leʼo—2008
  • Neʼe Natou Maʼu Te Mēsia!
    Te Tule Leʼo—2011
  • Ko Sesu Kilisito Te Kalavi ʼo Te ʼAtamai Mālama ʼo ʼUhiga Mo Te ʼAtua
    Te ʼAtamai Mālama ʼAē ʼe Ina Taki Ki Te Maʼuli Heʼegata
Hoko Atu
Te ’u Tali Ki Te ’u Fehu’i Fakatohi-Tapu
ijwbq ʼalatike 146
Neʼe heka ʼi he ʼasino ʼi tana hu fakaʼaliki ki Selusalemi

ʼE Ha Koa ʼi Te ʼu Lea Fakapolofeta Ko Sesu Neʼe Ko Te Mesia?

Te tali ’i te Tohi-Tapu

ʼE fakamo’oni ki ai te Tohi-Tapu. ʼI te temi ʼae ne’e maʼuli ai ʼi te kele, ne’e lahi te ʼu lea fakapolofeta ne’e fakahoko e Sesu. ʼE ʼi ai tona pikipikiga mo te ‘Mesia te Takitaki,’ ia ia ʼae ʼe ko te ‘Fakamaʼuli ʼo te malamanei.’ (Taniela 9:​25; 1 Soane 4:​14) Maʼia pe la ʼi te hili ʼo tona mate, ne’e ina toe fakahoko atu te tahi atu ʼu lea fakapolofeta ʼo ʼuhiga mo te Mesia.​—Pesalemo 110:1; Gaue 2:​34-​36.

  • Kotea te fakaʼuhiga ʼo te kupu “Mesia”?

  • ʼE feala koa ki ni hahaʼi kehekehe ke natou fakahoko ia te ʼu lea fakapolofeta ʼae neʼe fai ʼo ʼuhiga mo te Mesia?

  • ʼE tou sio anai koa ki te Mesia ʼi te ka haʼu?

  • Ko lea fakapolofeta ʼe fia ʼe tu’u ʼi te Tohi-Tapu ʼe fakahaga ki te Mesia?

  • Ko ʼihi lea fakapolofeta ʼo ʼuhiga mo te Mesia ne’e fakahoko e Sesu

Kotea te fakaʼuhiga ʼo te kupu “Mesia”?

Ko te kupu Fakahepeleo Mashiaḥ (Mesia) pea mo te kupu Fakakeleka Khristos (Kilisito), ʼe fakaʼuhiga ia naua ki te kupu “Fakanofo.” Kae ki te kupu “Sesu Kilisito” ʼe fakaʼuhiga ki te kupu “Sesu te fakanofo” peʼe “Sesu te Mesia.”

ʼI te temi muʼa, ne’e lau kua fakanofo he tahi moka ne’e kua liligi te lolo ki tona ʼulu, ʼe ilo’i ai leva kua hilifaki ki ai he tu’ulaga makehe mo’o takitaki. (Levitiko 8:​12; 1 Samuele 16:13) Ne’e fakanofo e Sesu e te ʼAtua ko te Mesia, ko he tu’ulaga takitaki ma’oluga. (Gaue 2:​36) Kae ne’e mole fakanofo e te ʼAtua ia Sesu ʼaki te lolo kae ʼaki te laumalie maʼoni’oni.​—Mateo 3:​16.

ʼE feala koa ki ni hahaʼi kehekehe ke natou fakahoko ia te ʼu lea fakapolofeta ʼae neʼe fai ʼo ʼuhiga mo te Mesia?

Kailoa. ʼE hage pe te ʼu lea fakapolofeta ʼo ʼuhiga mo te Mesia, ko te ʼu fakailoga ʼae ʼi ʼotatou muʼamuʼa kau’i tuhi. ʼE mole feala ke maʼu e he tahi ia he fakailoga ʼe tatau mo he tahi age. ʼE toe feia pe mo te ʼu lea fakapolofeta ʼo ʼuhiga mo te Mesia. Neʼe fakahagahaga fuli ki he Mesia peʼe ko he Kilisito ʼe tahi. Kae ne’e kua fakatokaga mai ʼi te Tohi-Tapu “ʼe tutuʼu ake anai he kau Kilisito loi mo ni polofeta loi pea mo natou fakahoko anai he ʼu fakailoga lalahi pea mo he ʼu meʼa fakaofoofo, ʼi tanatou faiga ʼae ke fakaheʼi ia natou ʼae kua filifili.”​—Mateo 24:24.

ʼE tou sio anai koa ki te Mesia ʼi te ka haʼu?

Kailoa. Ne’e fakakikite ʼi te Tohi-Tapu ʼe hifo mai anai te Mesia mai te hologa ʼo Tavite, Hau ʼo Iselaele. (Pesalemo 89:​3, 4) Koia, ko te ʼu lisi ʼae ne’e tu’u ai te ʼu higoa ʼo te ʼu hologa Fakasutea mai te kamata’aga ki te temi ʼo Tavite ʼe mole kei ma’u. Ne’e lagi kau ʼi te ʼu maumau lahi ʼae ne’e hoko ʼi te ʼohofi e te kau Loma ia Selusalemi ʼi te ta’u 70 Hili te Temi ʼo Sesu.a Talu mai ai, ʼe mole feala ki he tahi ke ina fakamo’oni ʼe ha’u ia Sesu mai te hologa ʼo Tavite. Kae ʼi te temi ʼo Sesu ne’e kei ma’u katoa ia te ʼu lisi ʼaia ne’e mole he fakafihi ki ai ma’a ia mo natou ʼae ne’e ko ʼona fili, ne’e mole natou fakafihi’i te ui ʼae ne’e hifo lelei mai Sesu mai te hologa o Tavite.—Mateo 22:41-​46.

Ko lea fakapolofeta ʼe fia ʼe tu’u ʼi te Tohi-Tapu ʼe fakahaga ki te Mesia?

ʼE mole feala ke tou ilo’i pe ’e ko lea fakapolofeta ʼe fia neʼe fai ʼo ʼuhiga mo te Mesia. ʼE feala pe ke mole tatau te faʼahiga lau te lahi ʼo te ʼu lea fakapolofeta, maʼia mo te ʼu vaega ʼae ʼe fakahagahaga tafito ki te Mesia. Ohage la ko te ʼu vaega ʼo Esaia 53:​2-7. ʼE lahi te ʼu faʼahi neʼe tohi fakatomuʼa ʼo ʼuhiga mo te Mesia. Ki te manatu ʼa ʼihi, ko te ʼu vaega ʼaia ʼe fakaʼuhiga ki he lea fakapolofeta ʼe tahi, kae ki ʼihi, ko te ʼu vaega takitahi ʼe natou lau ʼe ko he lea fakapolofeta ʼe tahi.

Ko ʼihi lea fakapolofeta ʼo ʼuhiga mo te Mesia ne’e fakahoko e Sesu

Lea fakapolofeta

ʼI te Tohi-Tapu

Tona fakahoko

Hakoga ʼo Apalahamo

Senesi 22:17, 18

Mateo 1:1

Hakoga ʼo Isaake, foha ʼo Apalahamo

Senesi 17:19

Mateo 1:2

Ne’e tupu ʼi te telepi ʼo Suta ʼi Iselaele

Senesi 49:10

Mateo 1:​1, 3

Ne’e hifo mai te hologa hau ʼo Tavite

Esaia 9:7

Mateo 1:1

Neʼe tupu ʼi he taʼahine taupoʼou

Esaia 7: 14

Mateo 1: 18, 22, 23

Ne’e tupu ʼi Petelehemi

Mikea 5:2

Mateo 2: 1, 5, 6

ʼE fakahigoaʼi anai ko Emanueleb

Esaia 7:​14

Mateo 1:​21-​23

Ne’e tupu ʼi te kiʼi famili agavaivai

Esaia 53:2

Luka 2:7

Ne’e matematehi te ʼu fanau tagata ʼi te ʼosi tupu ʼa Sesu

Selemia 31:15

Mateo 2:​16-​18

Tona pauʼi mai Esipito

Oseo 11:1

Mateo 2:​13-​15

ʼE higoa anai ko he tagata Nasaletic

Esaia 11:1

Mateo 2:​23

Te tagata ʼave logo ke muʼamuʼa ia koe

Malakia 3:1

Mateo 11:​7-​10

Ne’e fakanofo ko te Mesia ʼi te ta’u 29 Hili te Temi ʼo Sesud

Taniela 9:​25

Mateo 3:​13-​17

Ne’e fakamo’oni e te ʼAtua ko Tona ʼAlo

Pesalemo 2:7

Gaue 13:33, 34

Ne’e fa’afai ma’a te ʼapi ʼo te ʼAtua

Pesalemo 69:9

Soane 2:​13-​17

Tala he ʼu logo lelei

Esaia 61:1

Luka 4:​16-​21

Ne’e ina fakamafola te ʼu mo’oni ʼi Kalilea

Esaia 9:​1, 2

Mateo 4:​13-​16

Fakahoko te ʼu milakulo ohage ko Mosese

Tetelonome 18:15

Gaue 2:​22

Ne’e palalau ki te ʼu manatu ʼa te ʼAtua ohage ko Mosese

Tetelonome 18:18, 19

Soane 12:49

Ne’e lahi te ʼu mahaki ne’e ina fakamalolo

Esaia 53:4

Mateo 8:​16, 17

Ne’e mole faiga ke tokoga’i ia ia

Esaia 42:2

Mateo 12:17, 19

Ne’e manava’ofa kia natou ʼae ʼe lotomamahi

Esaia 42:3

Mateo 12:​9-​20; Maleko 6:​34

Ne’e ina fakaha te faitotonu ʼa te ʼAtua

Esaia 42:​1, 4

Mateo 12:17-​20

Faitokoni Taulekaleka

Esaia 9:​6, 7

Soane 6:​68

Tala te huafa ʼo Sehova

Pesalemo 22:22

Soane 17:6

Faiako ʼaki ni lea fakata

Pesalemo 78:2

Mateo 13:34, 35

Takitaki

Taniela 9:​25

Mateo 23:10

Neʼe mole tui te tokolahi kia te ia

Esaia 53:1

Soane 12:37, 38

Ko te maka fakatupu tukia

Esaia 8:​14, 15

Mateo 21:42-​44

Liʼaki e te hahaʼi

Pesalemo 118:22, 23

Gaue 4:​10, 11

Fehiʼa ki ai kae mole ʼi ai hona tupuʼaga

Pesalemo 69:4

Soane 15:24, 25

Neʼe heka ʼi he ʼasino ʼi tana hu fakaʼaliki ki Selusalemi

Sakalia 9:9

Mateo 21:​4-9

Ne’e viki’i e te ʼu tamaliki

Pesalemo 8:2

Mateo 21:15, 16

Ne’e ha’u ʼi te huafa ʼo Sehova

Pesalemo 118:26

Soane 12:12, 13

Ne’e lavaki’i ia ia e tona kaume’a

Pesalemo 41:9

Soane 13:18

Ne’e lavaki’i ki te fo’i piesi ʼe 30e

Sakalia 11:12, 13

Mateo 26:14-​16; 27:​3-​10

Neʼe liʼaki leva ia ia e ʼona kaumeʼa

Sakalia 13:7

Mateo 26:31, 56

Ne’e tukugakovi’i ʼaki he ʼu fakamo’oni loi

Pesalemo 35:11

Mateo 26:59-​61

Kae ʼi tona tukugakovi’i, ne’e mole gu ia.

Esaia 53:7

Mateo 27:12-​14

Ne’e natou ’anu’anuhi ʼona fofoga

Esaia 50:6

Mateo 26:67; 27:27, 30

Ne’e natou ta tona ʼulu

Mikea 5:1

Maleko 15:19

Ne’e huipi’i

Esaia 50:6

Soane 19:1

Ne’e ina tali agavaivai tona gaohi kovi’i

Esaia 50:6

Soane 18:22, 23

Neʼe natou fonofono ke natou kakaʼi ia ia

Pesalemo 2:2

Luka 23:10-​12

Ne’e tutuki ʼona nima pea mo ʼona vaʼe ki te pou

Pesalemo 22:16

Mateo 27:35; Soane 20:25

Neʼe natou fai he toho pe ko ai ʼae ka ina ma’u anai tona kofu

Pesalemo 22:18

Soane 19:23, 24

Neʼe lau ia ia ʼi te kau agahala

Esaia 53:12

Mateo 27:38

Ne’e fehi’aʼinaʼi pea mo leakoviʼi

Pesalemo 22:​7, 8

Mateo 27:39-​43

Neʼe mamahi ʼuhi ko te kau agahala

Esaia 53:​5, 6

1 Petelo 2:​23-​25

Neʼe hage neʼe liʼakina ia ia e te ʼAtua

Pesalemo 22:1

Maleko 15:34

Neʼe natou foaki age kia te ia he moʼi vino neʼe fio ʼaki te ʼahu ke ina inu

Pesalemo 69:21

Mateo 27:34

Ne’e fia inu ʼi mu’a ʼo tana mate

Pesalemo 22:15

Soane 19:28, 29

Tamai ʼe au tuku atu ki ’ou nima toku ma’uli

Pesalemo 31:5

Luka 23:46

Ne’e mate leva

Esaia 53:12

Maleko 15:37

Ne’e ina foaki tona ma’uli ko he totogi ma’a te tokolahi

Esaia 53:12

Mateo 20:28

Ne’e mole pe fasi he hui ʼe tahi

Pesalemo 34:20

Soane 19:31-​33, 36

Ne’e huki’i

Sakalia 12:10

Soane 19:33-​35, 37

Ne’e ʼavaifo ʼi te fale maka ʼa te tagata ma’u koloa

Esaia 53:9

Mateo 27:57-​60

Ne’e fakatu’uake

Pesalemo 16:10

Gaue 2:​29-​31

Ne’e tonu ke fili he tahi mo’o fetogi ʼo Sutasi ʼae ne’e ina taki te haha’i ke natou puke ia Sesu

Pesalemo 109:8

Gaue 1:​15-​20

Ne’e heka ʼi te to’omataʼu ʼo te ʼAtua

Pesalemo 110:1

Gaue 2:​34-​36

a ʼE ui fenei ʼi te tohi neʼe fai e McClintock pea mo Strong: “ʼE mahino neʼe hoki pulihi pe te ’u tohi hologa ʼo te ʼu telepi pea mo te ʼu famili Sutea ʼi te ʼaho ʼae neʼe maumauʼi ai ia Selusalemi.”

b Ko te higoa “Immanuel” ʼi te lea Fakahepeleo ko tona fakaʼuhiga “ʼE Nofo Te ʼAtua Mo Tatou.” Pea neʼe alu tahi pe te higoa ʼaia pea mo Sesu, ʼi tona ʼuhiga Mesia. Neʼe hifo mai ia Sesu ki te kele pea mo fakahoko ai ni gaue, ʼo ina fakamoʼoni ai ʼe nofo ia te ʼAtua pea mo ʼana kau atolasio.​—Luka 2:​27-​32; 7:​12-​16.

c Neʼe lagi neʼe haʼu te kupu “Nazaréen” ʼi te kupu Fakahepeleo nétsèr, ʼae ʼe fakaʼuhiga “huli.”

d Kapau ʼe ke fia maʼu he tahi ʼu fakamahino ʼo ʼuhiga mo te ʼu aluʼaga ʼi te Tohi-Tapu, ʼe fakamoʼoni neʼe ha ia te Mesia ʼi te taʼu 29 H.T.S., vakaʼi te alatike “Koteā Te Lea Faka Polofeta ʼa Taniela ʼo ʼUhiga Mo Te Haʼu ʼa Te Mesia?”

e ʼE maʼu te lea fakapolofeta ʼi te tohi ʼo Sakalia, kae neʼe ui e Mateo ko ‘te folafola ʼaeni neʼe fai e te ʼAtua ʼaki te polofeta ko Selemia.’ (Mateo 27:9) ʼI ʼihi temi, ko te tohi ʼo Selemia neʼe tuʼulaga ʼuluaki ʼi te ʼu tohi Fakatohi-tapu ʼae ʼe fakahigoaʼi te ʼu tohi ʼa te “kau polofeta.” (Luka 24:44) Ka palalau ia Mateo ki te ʼu tohi ʼaia ʼa te kau polofeta, ʼo kau ai mo te tohi ʼo Sakalia, ʼe ina ui ʼe ko te ʼu tohi ʼa “Selemia.”

    Te ʼu Tohi Fakaʼuvea (1978-2025)
    Mavae
    Hu Ki Loto
    • Faka'uvea
    • Vaevae
    • Préférences
    • Copyright © 2025 Watch Tower Bible and Tract Society of Pennsylvania
    • Conditions d’utilisation
    • Règles de confidentialité
    • Paramètres de confidentialité
    • JW.ORG
    • Hu Ki Loto
    Vaevae