Neʼe Akoʼi Mai e Sehova Te Faʼahiga Takitaki ʼo Tomatou Famili

Kotea la he ako ʼe maʼu e te ʼu taumatuʼa mai ia Sehova te Tamai ʼae ʼe ʼi selo, ʼe tokoni anai kia natou ki he faʼahiga akoʼi lelei ʼo ʼanatou fanau? Vakaʼi te ʼata viteo Neʼe Akoʼi Mai e Sehova Te Faʼahiga Takitaki ʼo Tomatou Famili, pea tali ki te ʼu fehuʼi ʼaeni ʼo ʼuhiga mo Abilio mo Ulla Amorim:

• Ko te ʼu aluʼaga ʼae neʼe hoko kia naua ʼi tanā kei veliveli neʼe tokoni feafeaʼi ke nā liliu ko he ʼu matuʼā ʼe tokaga lelei?

• Ko te ʼu suvenia lelei fea ʼi tanatou kei liliki ʼae neʼe mole galoʼi e ʼanā fanau?

• Neʼe maʼuliʼi feafeaʼi e Abilio mo Ulla te tokoni ʼae ia Tetelonome 6:6, 7?

• He ko’e neʼe mole gata ʼaki pe tana fakatotonu ki ʼana fanau te ʼu meʼa ʼae ʼe tonu ke natou fai?

• Neʼe nā tokoni feafeaʼi ki ʼanā fanau ke natou fai ni tonu ʼe lelei ʼi tonatou maʼuli?

• Logo la tanā fakalotomalohiʼi tuʼumaʼu ʼanā fanau ke natou gaue temi katoa maʼa Sehova, kae ko te sakilifisio fea ʼae neʼe faigataʼa kia naua? (bt-F 178 ¶19)