Tatatou Gaue Tokoni Moka Hoko He Tuʼutamaki Fakanatula

8:1-4; 9:7

ʼE kau ia te kau Kilisitiano ki he minisitelio ʼe faʼahi lua: ko “te minisitelio ʼo te fakatokatoka” peʼe ko tatatou gaue faifakamafola mo te fai ni ako, pea mo “te gaue tokoni” ʼae ki ʼotatou tehina mo tuagaʼane. (2Ko 5:18-20; 8:4) Koia, ko te tokoni ki te ʼu tehina mo tuagaʼane ʼe kau ki totatou tauhi taputapu. ʼI tatatou kau ki ai, ʼe tou

• foaki te ʼu meʼa ʼae ʼe ʼaoga kia natou.—2Ko 9:12 ʼuluaki koga

• tokoni kia natou ke toe hoko atu tanatou ako takitokotahi, ke natou toe kau ki te ʼu fono pea mo faifakamafola. ʼE natou fakaha ai ia tanatou fakafetaʼi kia Sehova.—2Ko 9:12 lua koga

• fakakololiaʼi ia Sehova. (2Ko 9:13) Ko te gaue tokoni ʼe ʼi ai ʼona fua lelei ki te hahaʼi fuli, ʼo kau ai ia natou ʼae ʼe fehihiʼa ki te Kau Fakamoʼoni ʼa Sehova.