‘Ko te ʼofa ʼae neʼe fakaha e Kilisito ʼe ina puleʼi katoa tatou.’—2Ko 5:14
TE MAʼULI FAKAKILISITIANO
ʼE Ke Pionie Vaeluaʼi Temi Koa ʼi Malesio Peʼe Ko Apelili?
ʼE ke loto koa ke lahi age tau faifakamafola 2te temi ʼo te ʼAho Fakamanatu? (2Ko 5:14, 15) ʼE feala kia natou ʼae ka pionie ʼi te mahina ʼo Malesio peʼe ko Apelili, ke natou filifili pe ʼe natou fai ni hola ʼe 30 peʼe 50. Kapau ʼe feala hau kau ki te selevisi ʼaia, tohi hau pepa pionie pea ke ʼave ki te Komite ʼo Te Gau ʼo te Kokelekasio. Ko te ʼu higoa ʼo natou ʼae neʼe tali ke natou pionie vaeluaʼi temi, ʼe fakaha anai ki te kokelekasio ʼi te mahina ʼae ʼe natou pionie ai anai. ʼE feala ai anai ki te kokelekasio ke lagolago kia natou ʼi te faifakamafola. Lolotoga te ʼu mahina ʼaia, tou toʼo ia faigamalie fuli moʼo hikihiki ai tatatou faʼahiga faifakamafola pea mo tou fefakalotomalohiʼaki.—1Te 5:11.