Te Haofaki Maʼuli ʼi Te ʼu Motu ʼo Caraïbes

Ia ʼaho nei, ohage pe ko te ʼuluaki sekulo, ʼe tou maʼu te pilivilesio ʼae ke tou feʼofaʼaki mo ʼotatou tehina mo tuagaʼane ʼae neʼe tau mo he ʼu tuʼutamaki fakanatula. (Soa 13:34, 35) Vakaʼi te ʼata viteo Te ʼu Gaue ʼo Te ʼOfa—Te Haofaki Maʼuli ʼi Te ʼu Motu, ʼe tou sio ai pe neʼe tokoni feafeaʼi te Kau Fakamoʼoni ʼa Sehova ki te ʼu tehina mo tuagaʼane ʼi te ʼu motu ʼo Caraïbes, pea mo tali ki te ʼu fehuʼi ʼaeni:

• Neʼe malave feafeaʼi ki ʼotatou tehina mo tuagaʼane ʼi te ʼu motu ʼi Caraïbes te ʼu afā ʼe lua ko Irma mo Maria?

• Neʼe tokoni feafeaʼi ia Sehova ki ʼotatou tehina mo tuagaʼane ʼi te ʼu motu ʼaia ʼi tana fakaʼaogaʼi ʼihi Kau Fakamoʼoni?

• Neʼe malave feafeaʼi ki te ʼu tehina mo tuagaʼane ʼae neʼe afāsia tonatou motu, te ʼofa mo te lotofoaki ʼo ʼonatou tehina mo tuagaʼane?

• Neʼe ko te toko fia tehina mo tuagaʼane ʼae neʼe kau ki te tokoni ʼaia?

• ʼE feafeaʼi hatatou lagolago takitokotahi ki te gaue haofaki maʼuli ʼaia?

• ʼI takotou sioʼi te kiʼi ʼata viteo ʼaeni, kotea koa ʼae ʼe kotou logoʼi ʼi takotou kau ki te kautahi ʼofa ʼaia?