Kua ʼAfeā Te Tohi Kae ʼe Kei ʼAoga Ki Te Maʼuli
Tokolahi ʼe natou fakaʼapaʼapa ki te Tohi-Tapu koteʼuhi ʼe taputapu. ʼE mole ina fakaha mai pe te faʼahiga tauhi ʼae ki te ʼAtua. Kae ʼe ina toe foaki mai ni tokoni ʼaoga ki totatou maʼuli ʼae ʼi te ʼaho fuli.
Tou vakaʼi te ʼu talamanatu ʼa ʼihi neʼe fua lelei kia natou tanatou lau te Tohi-Tapu mo te maʼuliʼi ʼo ʼana pelesepeto.
“Kua lelei toku maʼuli. Mole kei au lotomamahi pea kua au fiafia.”—Fiona.
“ ʼI taku ako te Tohi-Tapu, kua au mahino leva ki te ʼuhiga ʼo toku maʼuli.”—Elena.
“ ʼI te temi nei kua au maʼuli fiafia, kua au gaue fakafeʼauga pe pea kua au maʼu he temi lahi ki toku kiʼi famili.”—Andrew.
ʼI te malamanei katoa, tokolahi te hahaʼi neʼe fua lelei kia natou ia tanatou maʼuliʼi te ʼu tokoni Fakatohi-tapu.
Tou vakaʼi pe ʼe tokoni feafeaʼi mai te Tohi-Tapu ʼi te ʼu faʼahi ʼaeni ʼo totatou maʼuli:
Te malolo fakasino
Te tokalelei ʼo te fakakaukau
Te famili mo te ʼu fakakaumeʼa
Te fakafuafua leleiʼi ʼo te falā
Te maʼuli fakalaumalie
Ko te Tohi-Tapu ʼe haʼu mai te ʼAtua pea ʼe tokoni moʼoni atu ki tou maʼuli.