Ke Lelei Age Tatatou Faifakamafola​—Fakalotomalohiʼi Te Hahaʼi Ke Natou Kau Ki Te ʼu Fono

HE KOʼE ʼE MAʼUHIGA? Ka tou kau ki te ʼu fono, ʼe ko te faigamalie ʼaia ke tou “hiva [kia Sehova]” pea mo ‘fakavikiviki kia te ia.’ (Pes 149:1) ʼE tou ako ai te fai ʼo tona finegalo. (Pes 143:10) ʼI te agamahani, ka kau he tahi ki te ʼu fono, ʼo feia mo te kau ako Tohi-Tapu, ʼe vave ai tanatou tuputupu ʼi te faʼahi fakalaumalie.

TE ʼU MEʼA ʼAE ʼE TONU KE KE FAI:

• Kotou foimo fakaafe ia te hahaʼi ki te ʼu fono. ʼE mole tonu ke tou atali ke kamata muʼa he ako Tohi-Tapu.—Apk 22:17

• 

  Fakamahino age ki ai pe kotea ʼae ʼe fai ʼi te ʼu fono. ʼE feala ke ke fakaʼaogaʼi te ʼu faʼahi ʼaeni: Te pepa fakaafe ki te ʼu fono ʼo te kokelekasio, te kiʼi ʼata viteo Kotea ʼAe ʼe Fai ʼi Te ʼu Fale Fono?, pea mo te kaupepa Te Finegalo ʼo Sehova ʼi te ako 5 mo te 7

• 

  Kotou tokoni kia ia, mo kapau ʼe mole hana motoka, pe ʼe mole ina iloʼi te faʼahiga teu ʼae ʼe tonu ke ina tui. Kotou heheka fakatahi mo ia ʼi te fale fono, pea mo muliʼi fakatahi mo ia ʼau tohi. Fakaha ia ia ki te ʼu tehina mo tuagaʼane