KE KE FAIVA ʼI TE FAIFAKAMAFOLA | KE KE FIAFIA ʼI TE FAIFAKAMAFOLA
Tou Tokoni Ki ʼAtatou Kau Ako Tohi-Tapu Ke Natou Kau Ki Te ʼu Fono
ʼE maʼuhiga ʼosi te ʼu fono ki te tauhi maʼa. (Pes 22:23) Ko natou fuli ʼae ʼe fakatahitahi ʼo tauhi kia Sehova, ʼe natou fiafia mo maʼu tapuakina. (Pes 65:5) ʼI te agamahani, ka kau tuʼumaʼu ki te ʼu fono he tahi ʼe ako, ʼe tuputupu vave ʼi te faʼahi fakalaumalie.
ʼE feafeaʼi hakotou tokoni kia ia ʼae ʼe ako ke kau ki te ʼu fono? Kotou fakaafe ia ia ki te fono. Kotou fakaha age ki ai ia te ʼata Kotea ʼAe ʼe Fai ʼi Te ʼu Fale Fono? Kotou fakamahino age ki ai te ʼu lelei ʼe tou maʼu ʼi te ʼu fono. (lff kapite 10) Kotou vaevae mo ia he manatu neʼe kotou leleiʼia ʼi he fono peʼe ko te manatu ʼae ka fakamahino anai ʼi te fono ʼae ka hoko mai. Foaki age ki ai te ʼu tohi ʼae ka fakaʼaogaʼi anai ʼi te ʼu fono. ʼE feala ke kotou ʼave ia ia ki te ʼu fono. ʼE kotou fiafia anai moka kau ia ia ʼae ʼe ako ki te ʼu fono.—1Ko 14:24, 25.
SIOʼI TE ʼATA TOU TOKONI KI ʼATATOU KAU AKO TOHI-TAPU KE NATOU KAU KI TE ʼU FONO, PEA MO TALI KI TE ’U FEHU’I:
Neʼe feafeaʼi te fakaafe e Neeta ia Jade ki te fono?
He koʼe ʼe tou fiafia moka kau he tahi ʼe ako ki te ʼu fono?
“ʼE nofo moʼoni te ʼAtua ia koutou”
Kotea ʼae neʼe tokagaʼi e Jade ʼi tana kau ki te fono?