Tou Tokoni Ki ʼAtatou Kau Ako Tohi-Tapu Ke Natou Liʼaki Te ʼu Fakakaugā Kovi

Kapau ʼe fia kaumeʼa ʼatatou kau ako mo Sehova, ʼe tonu ke natou filifili fakalelei ʼonatou kaumeʼa. (Pes 15:1, 4) Kapau ʼe natou filifili he ʼu kaumeʼa lelei, ʼe natou uga anai natou ke natou fai te meʼa ʼae ʼe lelei.—Taa 13:20; lff kapite 48.

Ka kotou tokoni ki ʼakotou kau ako ke natou liʼaki te ʼu fakakaugā kovi, ʼe tonu ke kotou lotomahino. ʼE lagi faigataʼa kia natou tanatou situʼa ki ʼonatou kaumeʼa ʼo te malama. Koia ʼe mole tonu pe ke kotou tokoni kia natou ʼi te ʼu temi pe ʼae ʼe kotou fai ai tanatou ʼu ako. Ohage la ʼe feala pe ke kotou faitohi peʼe telefoni kia natou peʼe ke kotou olo ʼo ʼaʼahi natou. Pea ka kotou tokagaʼi tanatou tuputupu ʼi te faʼahi fakalaumalie, ʼe feala anai ke kotou fakaafe natou ki ʼatatou fakafiafia. ʼE natou tokagaʼi ai leva ʼe lahi age ʼonatou kaumeʼa lelei ʼe feala ke natou maʼu. (Mko 10:29, 30) ʼE tou toe fiafia mo tatou ʼi tatatou sisio ʼae ki te tuputupu ʼo te kaugā malie ʼo te hahaʼi ʼa Sehova.

SIOʼI TE ʼATA TOU TOKONI KI ʼATATOU KAU AKO TOHI-TAPU KE NATOU LIʼAKI TE ʼU FAKAKAUGĀ KOVI, PEA MO TALI KI TE ’U FEHU’I:

• Ko ai te ʼu fakakaugā kovi?—1Ko 15:33

• Neʼe kotea te manatu ʼa Jade ʼo ʼuhiga mo te ʼu fakafiafia ʼa te kau Fakamoʼoni ʼa Sehova?

• Neʼe tokoni feafeaʼi ia Neeta kia Jade ke ina liʼaki te ʼu fakakaugā kovi?