Woy-Yàlla 84 (190)

Aw woy ngir Yeowa

(Sabuur 92:1, 2)

1. Woyu mbég wii Yàllaa ko moom;

Moo ñuy tette, ni baay ak doom.

Nañu gërëm suñu Boroom.

Na ko woy wii màggal.

Ndaw mbaaxaay ak ngor, yu yaatu!

Ci moom lañu mujj a bootu,

Dëggam mooy goreel, mooy niitu;

Kon, moom lañuy déggal.

2. Jaa-jëf Yeowa ndax sa leer,

Gi ñuy wommat ndax ñu bañ réer;

Mu ngiy melax niki aw weer,

Wu ceeñeer yiy dëfël!

Ngir yaakaaru Nguur gi, jaa-jëf!

Làmbaatootuñu, bay tërëf.

Li ñuy sàkkal pexe bép’ sëf,

Suñu xol ’ ngiy bégal.

3. Woy wu neex lañu koy woyal,

Moom Yàlla, mi toog ci kow jal.

Jaare ci Krist, nañ’ ko xamal

Suñu ñaan gu suufe:

“Yaa Yeowa, Aji-Mbëggeel,

Jaa-jëf ndax li nga ñu barkeel.

Ndax li nga ñu won sa cofeel,

Sa yoon lañuy jëfe.”