„Kibri yu ati!”
Distrikt kongres fu Yehovah kotoigi
FREIDA DEN O TAKI FU
„Yehovah e si fa na ati de”—1 SAMUEL 16:7.
SATRA DEN O TAKI FU
„San furu na ati, na dati mofo e taki”—MATEYUS 12:34.
SONDE DEN O TAKI FU
„Dini Yehovah nanga yu heri ati”—1 KRONIKI 28:9.
Na ini Bijbel a wortu „ati” skrifi pikinmoro wán dusun tron. Ma nofo tron, Bijbel no e taki fu a trutru ati fu wan libisma, ma fu a fasi fa wi de, sobun, fu a fasi fa wi e denki, a fasi fa wi e firi, èn fu den sani di wi wani du.
Fu san ede wi musu kibri wi ati dan? Gado ben meki Kownu Salomo skrifi: „Kibri yu ati, moro iniwan sani di de fu kibri, bika na drape den rutu fu a libi de” (Odo 4:23). Efu wi wani abi wan bun libi now èn efu wi wani kisi têgo libi na ini a ten di e kon, dan wi musu luku fa wi ati de. Fu san ede? Fu di Gado e si san de na ini wi ati (1 Samuel 16:7). Sobun, a fasi fa wi de, noso a ’sma di wi de dipi na ini wi ati’, o meki taki Gado lobi wi noso taki a no lobi wi.—1 Petrus 3:4.
Fa wi kan kibri wi ati dan? Wi o kisi piki tapu na aksi disi na den kongres fu Yehovah Kotoigi di o bigin hori na heri grontapu na ini a mun disi. Wi breiti fu kari yu kon na ala den dri dei fu a kongres disi.a Den sani di yu o leri o yepi yu fu libi na wan fasi di o meki taki Yehovah Gado en ati prisiri.—Odo 27:11.
[Futuwortu]
a Efu yu wani sabi moro, dan aksi Yehovah Kotoigi na ini a kontren fu yu, noso skrifi go na den sma di e tyari a tijdschrift disi kon na doro.
[Sma di abi a reti fu a prenki na tapu bladzijde 32]
Photo on right: Aus dem Fundus der MÜNCHNER OLYMPIAPARK GMBH, München