ROMNHORÉ 06
E niha dahöimanadzé ma tinhanaꞌrata.
Bíblia dzarina, Ropotoꞌwa ‘uburé petse ma tô te te aropoto mono’. (Apocalipse 4:11) E te ãma atsimidzadze. Niꞌwam norĩ te te tsadze dzaꞌra õ di Ropotoꞌwa dahöimanadzé potoꞌwa na. Tahã tô tsena wamhã, wahöimanadzé hã tsiꞌuihö na ma tô tinhanaꞌrata duré marĩ dai õ di. Jeová dahöimanadzé te te poto wamhã, taré te te poto õ di. E ĩtsarina.a ꞌMadöꞌö dahöimanadzé naꞌratadzé watsuꞌu Ropotoꞌwai mreme dzarina, duré e marĩ wa, wa te tsadzei waihuꞌu petse dzaꞌra di.
1. E niha höiwa duré Tiꞌa ma tinhanaꞌrata.
Romnhoré petse ꞌwa ĩꞌahö norĩ te ãma tsadze dzaꞌra höiwa duré Tiꞌa marĩ hawi ĩtsãnaꞌrata na hã. Taha dzarina, Ropotoꞌwai mreme te tinha: ‘Ropoto naꞌrata hawimhã, ꞌRe ĩhöimana uꞌötsi mono, höiwa duré uburé marĩ ĩwa ꞌre ĩtsimatsa mono da hã, ma tô tsimitsutu tiꞌai me hã poto dzaꞌra.’ (Gênesis 1:1) E niha bété Ropotoꞌwa ma poto dzaꞌra. Ropotoꞌwa tinhiptetedzém na hã, ãne dzei õ wamhã ‘Tipẽꞌẽdzani na hã’, ma tô aropoto uburé Tiꞌai ãma duré höiwa ãma ĩhöimana dzaꞌra mono hã, ãma ĩtsimiré, bödö, aꞌamo duré watsi norĩ. — Gênesis 1:2.
2. E marĩ da Ropotoꞌwa ma poto Tiꞌa hã.
Jeová ma tô poto ‘tiꞌa hã, ĩwa ꞌre ĩdahöimana dzaꞌra mono dzéb da hã.’ (Atos 17:26) Ropotoꞌwa ma poto Tiꞌa hã marĩ da hã. Te tsima wẽ ĩwa rowẽ na ꞌre dahöimana dzaꞌra mono da õne uꞌö. (Tsõré na Atos 17:24, 25.) Romnhoré petse ꞌwa norĩ ma waihuꞌu petse di ĩhöimana õ na hã daro Tiꞌa ne hã. Te te tsõpẽtẽ dzaꞌra õ di daro Tiꞌai ꞌrowimhã uburé marĩ ré ãma ꞌre ĩdahöimana dzaꞌra mono dzéb da hã.
3. E marĩ wa, wa norĩ hã abadze norĩ nhipai u.
Tiꞌa te te poto parimhã, Ropotoꞌwa ma poto rowede duré abadze norĩ. Taha parimhã, ‘ma tô ꞌRe ĩhöimana uꞌötsi mono, aꞌuwẽ hã te te apoto titsine ꞌre ĩhöimana dzaꞌra mono da hã’. (Tsõré na Gênesis 1:27.) E marĩ wa tawamhã abadze norĩ nhipai u wa wahöimana dzaꞌra ni. Ropotoꞌwa titsine te te wapoto dzaꞌra wa. Ãne, wa te tsidzutsi waihuꞌu petse dzaꞌra di Ropotoꞌwa höimanadzé. Ãma ĩtsimiré, ĩtsine wa te daꞌadzawi waihuꞌu petse dzaꞌra di duré ĩbö wa te ꞌmanharĩ waihuꞌu petse dzaꞌra di. Ropotoꞌwa ma tô waꞌapoto dzaꞌra rowaihuꞌu ré damreme aimawi wa te waihuꞌu dzaꞌra da, duré wa te watsima robdze dzaꞌra da marĩ ĩꞌmadöꞌö dze na hã duré ĩwapari dze na hã. Duré abadze norĩ nei õ na, Wapotoꞌwai ãma wawata waihuꞌu petse dzaꞌra di.
WAIHUꞌU DURÉ
Wa dza ꞌmadöꞌö dzaꞌra ni tsiꞌubdatõ uburé hã: (1) marĩ norĩ te te ĩhöiꞌré dzaꞌra niꞌwa tinhimidzaꞌretse na te te ĩpoto na hã dahöimanadzé, (2) marĩ norĩ te te ĩhöiꞌré dzaꞌra Ropotoꞌwai mreme nhimirowatsuꞌu ropoto naꞌratadzém na hã ĩbö na hã, duré (3) e marĩ, wa waihuꞌu dzaꞌra ni Ropotoꞌwai ãma marĩ ĩwẽ wa te ĩhöiꞌré dzaꞌra dzém hawimhã wahöimanadzém na hã.
4. Niꞌwa ma tô tinhimidzaꞌretse na poto dahöimanadzé
Te natsi daꞌãma tawata dzaꞌra ni da te ꞌmanharĩ dzaꞌra wamhã, marĩ ropoto nhidzutsi na hã. E ãma ĩwawata dzaꞌra dai õ bö danhipai u ropotoꞌwai ãma hã. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ ma tô ꞌmanharĩ dzaꞌra ni ropoto nhidzutsi na hã.
Danhorõwa mono bö niꞌwa te dza tinhimidzaꞌretse na ꞌmanha. E ꞌwa bété ma tô tinhimidzaꞌretse na poto uburé Tiꞌai ãma ĩhöimana hã. Atsiré tsõré aba Hebreus 3:4. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Tiꞌai ãma marĩ ahö di ropoto nhimidzaꞌretse na. E marĩ na te atobꞌudzu danhipai u.
Aima hã, e tsada hã tsadze da niꞌwa tinhimidzaꞌretse na te te ĩpoto na hã uburé ĩhöimana hã. E marĩ wa ãne te ĩrotsaꞌra.
E ma tô ĩwaihu.
Te dza ĩtsõpẽ ĩtsihötödzé ĩhöiba amo norĩ duré ĩropoto norĩ taha na hã jw.org na ĩwaꞌõtõ ꞌremhã “E Ropotoꞌwa nhimiꞌmanharĩ.” duré “Rotsaꞌrada dahöimanadzém naꞌratadzém na hã”.
‘Tiꞌai ãma uburé ꞌri hã danhibꞌrata na robꞌmanharĩ hã tsiꞌuihö na ꞌre tsiꞌmanharĩ dzaꞌra mono õ di. Tane nherẽ, ꞌRe ĩhöimana uꞌötsi mono tsi ma tô uburé marĩ hã te te ꞌre abꞌmanharĩ.’
5. Ropotoꞌwai mreme nhimirowatsuꞌu ropoto naꞌratadzém na hã ĩbö
Gênesis ĩtsihötö wawẽ 1 ãma, Ropotoꞌwai mreme te rowatsuꞌu Tiꞌa duré dahöimanadzé potodzém na hã. Aima hã, e tsada hã wa te tsadzei petse dzaꞌra da te te ĩnharĩdzém na hã. E niwamhã taré datsihawi robꞌrãꞌrada. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E Ropotoꞌwai mreme te rowahutu Tiꞌa hã da te ĩpoto na hã 6 bötö ꞌrem na 24 hora na.
Aima hã, Ropotoꞌwai mreme nhimirowatsuꞌu ropoto naꞌratadzém na hã, e ĩbö. E marĩ wa ãne te ĩrotsaꞌra.
Atsiré tsõré aba Gênesis 1:1. Taha parimhã atsima robdzanhamri aba ãhã dadzadanharĩ ãma piꞌrebamhã:
Romnhoré petse ꞌwa norĩ hã te nharĩ dzaꞌra höiwa duré Tiꞌa marĩ hawi ĩtsãnaꞌrata na hã. E tahã te tihöiba Ropotoꞌwai mreme te te ĩnharĩdzéb dzarina. E marĩ wa.
Niꞌwam norĩ te rotsaꞌrata dzaꞌra Ropotoꞌwa ĩmorĩꞌrata na te te ĩpoto na hã dahöimanadzé ĩwapu uptabi duré taha parimhã te te ĩtsaꞌré na hã tsiꞌuihö na tsiꞌmanharĩ da rowede, abadze duré dahöiba na. Atsiré tsõré aba Gênesis 1:21, 25, 27. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E Bíblia te rowahutu Ropotoꞌwa te te ĩpoto na hã dahöimanadzé ĩwapu ĩtsiꞌmanharĩ da hã peꞌa, abadze duré dahöiba na. E niwamhã ma tô poto uburé ĩhöibaré norĩ tsipuꞌu petse na.
6. Wa norĩ hã Ropotoꞌwa nhimiropodo danhipai u ĩpire Tiꞌai ãma hã
Wa norĩ hã abadze norĩ nhipai u wa wahöimana dzaꞌra ni. Atsiré tsõré aba Gênesis 1:26. Taha parimhã atsima robdzanhamri aba ãhã dadzadanharĩ ãma piꞌrebamhã:
Wa te höiꞌré waihuꞌu petse dzaꞌra di dadzawi duré daꞌãma datsibadzé Ropotoꞌwa titsine te te wapoto dzaꞌra wa. E marĩ tahã te wama waihuꞌu dzaꞌra Jeová höimanadzém na hã.
NIꞌWAM NORĨ TE NHARĨ DZAꞌRA ÃNE: “Ropotoꞌwai mreme nhimirowatsuꞌu ropoto naꞌratadzém na hã tô tsenai õ di. Taré datsihawi robꞌrãꞌrada.”
E ãne duré te ĩrotsaꞌra. E marĩ wa.
ĨWAIHUꞌUDZÉ HÃ
Jeová ma tô poto höiwa, Tiꞌa duré ĩhöibaré norĩ.
Ãma aipoꞌre puꞌu
Ropotoꞌwai mreme dzarina, e niha höiwa duré Tiꞌa norĩ ma tinhaꞌrata.
E Ropotoꞌwa ma tô ꞌmanha dahöimanadzé ĩwapu ĩtsiꞌmanharĩ da hã tsiꞌuihö na rowede, abadze duré dahöiba na. E niwamhã ma tô poto tsirõmo dzaꞌra.
E marĩ wa, wa norĩ hã Ropotoꞌwa nhimiropodo danhipai u ĩpire Tiꞌai ãma hã.
TSÔ AIRĨTĨ DURÉ
ꞌMadöꞌö e niha ropoto norĩ te höiꞌré dzaꞌra Ropotoꞌwa tô tsena ꞌre ĩhöimana mono na hã.
“E marĩ, wa waihuꞌu dzaꞌra ni abadze norĩ na.” (Atsimidzaꞌretse!, setembro 2006 na)
ꞌMadöꞌö e niha damama ma tô tiꞌra ma rowatsuꞌu Ropotoꞌwai mreme te te ĩnharĩdzé hã ropoto naꞌratadzém na hã.
Bíblia dzarina, e Ropotoꞌwa ma tô poto dahöimanadzé ĩwapu ĩtsiꞌmanharĩ da tsiꞌuihö na ropoto norĩ na.
Niꞌwam norĩ te nharĩ dzaꞌra romnhoré petse ꞌwa nhimiromhuri duré abadze hiꞌrata norĩ rowede ꞌrata norĩ me te te ĩhöiꞌré dzaꞌra na hã dahöimanadzé ĩwapu tsiꞌuihö na ĩtsiꞌmanharĩ na hã uburé ĩhöibaré norĩ na. E tahã tô tsena.
Dahöimana naꞌratadzé — 5 dadzadanharĩ ãma rotsaꞌrata petse da (Ĩtsõrédzé)
a Romnhoré 25 na, wa dza waihuꞌu dzaꞌra ni e marĩ da Ropotoꞌwa ma tô dapoto.