ROMNHORÉ 43
E marĩ Ropotoꞌwai mreme te tinha ödzé hötsi na hã.
Tiꞌai mono bö danhimirotsaꞌrada ahö di ödzé hötsi na hã. Niꞌwam norĩ nimahã na te öhu titsiwaihuꞌu norĩ me, niꞌwam norĩ te tsima pitsutu dzaꞌra ödzé te te öhuri tõ da duré ĩhöiba amo norĩ ödzé te hötsi dzaꞌra tsiꞌrãiwamnarĩ petse da. E marĩ Ropotoꞌwai mreme te tinha ödzé hötsi na hã.
1. E ĩböiꞌõ ödzé hötsi.
Ropotoꞌwai mreme te te nharĩ õ di ödzé hötsi ĩböiꞌõ na hã. Bíblia te tinha “uwa waꞌu dama ãma ꞌre ĩrowẽ dzaꞌẽtẽ mono hã” marĩ ĩwẽ Ropotoꞌwa te te wama ĩtsõmri dzaꞌra na hã. (Salmo 104:14, 15) Nimahã aibö duré piꞌõ ĩtsimidzadzei petse norĩ Ropotoꞌwai mreme te te ĩwatsuꞌu ma tô te te ꞌre öhuri ödzé. — 1 Timóteo 5:22
2. E niha Ropotoꞌwai mreme te roti te te ĩpitsutu dzaꞌra norĩ ma ödzé te te öhuri da.
Jeová te tinha ödzé hötsi uꞌötsi ĩböiꞌõ na hã. Te duré tinha ĩböiꞌõ na hã ödzé na datsiꞌrãiwamnarĩ. (Gálatas 5:21) Ropotoꞌwai mreme te tinha: ‘Ödzédzeiꞌwa norĩ tsiré ꞌre ane mono tõ.’ (Provérbios 23:20) Taha wa, wa te pitsutu dzaꞌra wamhã ödzé wa te öhuri da, wa dza öhuri ni pibui petse na, watsiwaprotsi wahöimana dzaꞌra nherẽ. Ödzé ahö na wa te öhuri wamhã, waꞌrãi petse na wa te rotsaꞌrata waihuꞌu õ di dza duré wamreme na wanhimiꞌmanharĩ me watsitété waihuꞌu õ di dza. Taha nhipai u, tahã te dza wahöiba wamnarĩ dzaꞌra. Watsitété waihuꞌu dzaꞌra õ wamhã ödzé tsuru na wa te öhuri da, wa te watsima ĩwẽ dzaꞌra da tsi ödzé wa te rẽme petse dzaꞌra da.
3. E niha wa dza wadzéb dzaꞌra ni ĩhöiba amo norĩ nhimipitsudu ödzé hötsi na.
Dahöiba mono bö datsiꞌuihö na te dza pitsutu ni ödzé dza da te höꞌrẽne dzô. Wa te wẽꞌõ dzaꞌra õ di dza niꞌwa te te tsima ĩpitsudu hã pibui petse na ödzé te te höꞌrẽne da. Wa te duré dawati dzaꞌra õ di dza ödzé da te öhuri da da te datsima wẽꞌõ wamhã. (Romanos 14:10) Wa pitsutu dzaꞌra ni ödzé wa te öhuri tõ da tahã te te dawi roꞌwaꞌrutu wamhã. (Tsõré na Romanos 14:21.) ‘ꞌRöwip tsi ꞌre watsipawaptob dzaꞌra mono da wa te watsina ꞌre rotsaꞌrata dzaꞌra mono õ di dza. Watsiré ĩtsadzeiꞌwa norĩ wa te ꞌre pawaptob dzaꞌra mono da tsi wa dza ta norĩ ãma wa te ꞌre rotsaꞌrata uꞌötsi dzaꞌra.’ — Tsõré na 1 Coríntios 10:23, 24.
WAIHUꞌU DURÉ
Te dza ĩꞌmadö Ropotoꞌwai mreme nhimirowahutu norĩ te te ĩꞌaipawaptob dzaꞌra da hã pitsutu da ödzé dza hötsi dzô duré e niha te dza ĩhötsi. Te dza ĩwaihu duré ĩꞌmanharĩdzéb da hã ꞌwapéi wamhã ödzé rẽme da.
4. Pitsutu ödzé dza hötsi dzô
E niha Jesus te rotsaꞌrata ödzé hötsi na hã. Ĩtsadaꞌöbödzé wa te waihuꞌu dzaꞌra da wa te ꞌmadöꞌö dzaꞌra na dama ĩꞌmanharĩ waihuꞌuꞌõ hã ĩmorĩꞌrada Jesus te te dama ĩꞌmanharĩ hã. Atsiré tsõré aba João 2:1-11. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha ãhã dama ĩꞌmanharĩ waihuꞌuꞌõ te wama waihuꞌu dzaꞌra Jesus nhimirotsaꞌrada (1) ödzé ãma duré (2) ödzé te te ĩꞌöhuri norĩ ãma.
Jesus te te nharĩ õ di ödzé hötsi ĩböiꞌõ na hã. E niha tawamhã ĩtsadawa dzamarĩꞌwa norĩ te dza rotsaꞌrata dzaꞌra ödzé te te ĩꞌöhuri norĩ ãma.
Jesus dzadawa dzamarĩꞌwa tsiꞌuihö na te te tsima pitsutu da nherẽ ödzé dza te te höꞌrẽne dzô ãté nimahã na hã tsimidzaꞌretse na te dza pitsutu te te höꞌrẽne tõ da. Atsiré tsõré aba Provérbios 22:3. Taha parimhã atsima robdzanhamri aba wẽ dzô ödzé höꞌrẽne da ãhã romhöimanadzé norĩ ãma:
Robduri niwamhã marĩ ĩhöiba amo ꞌmapraba wamhã.
Aiwatsã ré wamhã.
Dawedeꞌwa te te aima roti wamhã ödzé höꞌrẽne tõ da.
Atsitété waihuꞌu õ wamhã ödzé tsuru na höꞌrẽne da.
Dama ĩpire norĩ nhimiroti te te dawi tsawi dzahi wamhã ödzé da te öhuri tõ da.
Atsãmra wamhã niꞌwa ödzédzeiꞌwa na aré ꞌre ĩhöimana mono me, duré ãhãna na hã te te tsima ĩpitsudu ödzé te te höꞌrẽne tõ da oto.
E a hã te dza dama ĩtsõ ödzé dato datsina damrodzéb ãma, niwamhã dato ĩhöiba amoi ãma. E marĩ te dza aipawapto pitsutu wẽ da. ꞌMadöꞌö aba ĨROPODO.
Atsiré tsõré aba Romanos 13:13 duré 1 Coríntios 10:31, 32. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha ãhã rowahutu norĩ te dza aipawaptob dzaꞌra pitsutu wẽ da Jeová ma ĩwẽ dzarina.
Watsiꞌuihö na wa dza pitsutu dzaꞌra ni ödzé dza wa te öhuri dzô. Niꞌwa Jesus dzadawa dzamarĩꞌwa ãté te dza pitsutu te te höꞌrẽne da nimahã romhöimanadzém na hã duré ĩhöiba amo na hã te te höꞌrẽne õ di dza.
5.Pitsutu e niha te dza ĩhötsi
Pitsutu wamhã ödzé höꞌrẽne da ãma aipoꞌre puꞌu: Jeová te te nharĩ õ di ödzé hötsi ĩböiꞌõ na hã, tadzahã tãma ꞌru ti ödzé hötsi uꞌötsi. E marĩ wa. Atsiré tsõré aba 1 Pedro 4:3. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ dadzô wairébé waihuꞌu petse di ödzé da te öhuri uꞌötsi wamhã.
E marĩ te dza wapawaptob dzaꞌra ödzé hötsi na wa te ãma tsipa dzaꞌra tõ da. Wahöimana wapu na wa dza wahöimana dzaꞌra ni watsiꞌumnhatsi dzaꞌra tõ da. Atsiré tsõré aba Provérbios 11:2. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ wa, wẽ di dza ĩwana pitsutu wamhã e niha ödzé te dza ĩhötsi.
6. Ãma aiꞌuté na datsiꞌwapé ödzé dzada
ꞌMadöꞌö te te ĩpawaptobdzé aibö ödzédzeiꞌwa aré ꞌre ĩhöimana mono hã ödzé hã te te rẽme petse da. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã.
Ĩropoto na, e niha Dmitry te ꞌre höimana ödzé te te ꞌre höꞌrẽne mono wamhã.
E ödzé ma tô rẽme tsuꞌu.
E marĩ ma pawapto ödzé te te rẽme petse da.
Atsiré tsõré aba 1 Coríntios 6:10, 11. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ Ropotoꞌwai mreme te tinha ödzé na datsiꞌrãiwamnarĩ na.
E marĩ te höiꞌré niꞌwa ödzédzeiꞌwa tihöimanadzém na te te ãma ĩtsaprĩ waihuꞌu petse na hã.
Atsiré tsõré aba Mateus 5:30. Taha parimhã atsima robdzanhamri aba ãhã dadzadanharĩ ãma piꞌrebamhã:
Jesus te te ãma ĩtsimiréꞌédzém na hã danhibꞌrata nhihöri na hã te ãma tinha ãté marĩ wa te ĩrẽme dzaꞌra da hã Jeová te te wawẽtsãmri dzaꞌra da. E marĩ te dza ĩꞌmanha ꞌre ꞌwapéi mono wamhã ödzé hötsi uꞌö.a
Atsiré tsõré aba 1 Coríntios 15:33. Taha parimhã atsima robdzanhamri aba ãhã dadzadanharĩ ãma piꞌrebamhã:
Atsiwaihuꞌu norĩ ödzé te te öhuri uꞌötsi wamhã, e niha te dza airétsi dzaꞌra.
NIꞌWA TE TE ATSADANHARĨ WAMHÃ BÉTÉ: “E Ropotoꞌwai mreme te dawi tsawi ödzé hötsi.”
E niha te dza ĩtsadaꞌö.
ĨWAIHUꞌUDZÉ HÃ
Jeová ma dama poto ödzé hã da te ãma robdze dzaꞌra da. Tadzahã tãma ꞌru ti ödzé hötsi uꞌö duré ödzé na datsiꞌrãiwamnarĩ.
Ãma aipoꞌre puꞌu
E marĩ Ropotoꞌwai mreme te tinha ödzé hötsi na hã.
E marĩ wa, ödzé hötsi uꞌö pipa di.
E niha wa dza wadzéb dzaꞌra ni ĩhöiba amo norĩ nhimipitsutudzé.
TSÔ AIRĨTĨ DURÉ
E niha ĩhöibatém norĩ te dza pitsutu wẽ dzaꞌra ödzé dza te te öhuri dzô.
ꞌMadöꞌö ĩꞌmanharĩdzéb da hã ödzé hötsi uꞌötsi na ãma aiꞌuté da.
“Ãma rotsaꞌrata wẽ na ödzé ãma hã” (Roꞌmadöꞌöꞌwa, 1.° janeiro na, 2010 na)
E ĩböiꞌõ Jesus dzadawa dzamarĩꞌwai ma brinde ꞌmanharĩ.
“Ĩtsõréꞌwa nhimidzadanharĩ norĩ” (Roꞌmadöꞌöꞌwa, 15 fevereiro na, 2007 na)
Tsõré na rowatsuꞌu hã “Wa hã aré ödzédzeiꞌwa uptabi” waihuꞌu da aibö te te ĩꞌmanharĩdzé ödzé te te höꞌrẽne uꞌötsi tõ da oto.
“Ropotoꞌwai mreme te te daꞌadzaprĩ waihuꞌu petse di” (Roꞌmadöꞌöꞌwa, 1.° maio na, 2012 na)
a Ãté ödzédzeiꞌwa ödzé te te rẽme petse da dawedeꞌwa nhimipawaptobdzéb dzô te dza tsô tiwi rowaptö. Dawedeꞌwa ĩꞌahö norĩ te roti dzaꞌra ödzédzeiꞌwa norĩ ma ödzé te te rẽme petse dzaꞌra da.