E Bíblia te dza aipawapto ꞌre aihöimana mono da aihödzé uꞌötsi nherẽ.
Bíblia nhimidzadaꞌöbö
Ĩhe. ꞌRe Ĩhöimana uꞌötsi mono hötöꞌö di ĩtsibaꞌuwẽ hã tsépuꞌu wamhã. Bíblia te ropitsutu: ‘Duré hödzé wa, tinhimiwaptö wa, ꞌre tsimiꞌwara mono ré hã, te dza Uburé Danhibꞌapito te te ꞌre anhiptete upari.’ (Salmo 41:3) ꞌRe aihöimana mono wamhã aihödzé uꞌötsi na, ãhã tsiꞌubdatõ uburé hã te dza aipawapto:
Rowaptẽrẽ ’Re Ĩhöimana uꞌötsi mono nhiptete dzô tsadzöri tõ da. ‘Rowẽ hã ꞌRe ĩhöimana uꞌötsi mono te te wama ꞌre ĩꞌapitsutu mono hã, ĩwẽ uptabi hã te wama ꞌre höimana dzaꞌra, da te ꞌre ĩwaihuꞌu dzaꞌra mono õ hã.’ Rowaptẽrẽ te dza aipawapto aihötöꞌö tõ da duré tsadzöri tõ da. — Filipenses 4:6, 7.
Atsimirotsaꞌrata wẽ na. Bíblia te tinha: ‘Dapẽꞌẽ ꞌre rowẽdzé hã te wedenhi ĩwẽ uptabi ne hã dama ꞌre höimana. Tane nherẽ, õne uꞌö dapẽꞌẽ ꞌre robdzei ãna ꞌre ĩdahöimana dzaꞌra mono dzé hã te dza atãma na te te ꞌre danhibꞌuwa dzani dzaꞌra.’ (Provérbios 17:22) To aihöimana, ãne wamhã aima robdze ti dza duré atsépuꞌu prã ti dza.
Atsimidzadze tsiptete atsimipari ĩwẽ dzô aptoꞌoré wab da hã. Atsimiparidzé tsiptete wamhã rowẽ na te dza ꞌre aihöimana mo aihödzé uꞌötsi nherẽ. (Romanos 12:12) Bíblia ma tô ropitsutu ãne: “niꞌwa te te nharĩ õ di dza: ‘ĩ̱hödzé di.’” (Isaías 33:24, TNM) ꞌRe ĩhöimana uꞌötsi mono ĩhödzé uꞌötsi norĩ te dza petse, tahã dawedeꞌwa norĩ te te ꞌmanharĩ waihuꞌu dzaꞌra õ di. Ãma ĩtsimiré, Bíblia te watsuꞌu ĩhi norĩ te dza tihöibatéb dzaꞌra dahödzé ãna: ‘Danhi hã te dza tsitéb dzaꞌra ĩhöibaté te nhipai u. Apö tsiptete da ĩhöibaté ’re ĩhöimana mono ne hã.’ — Jó 33:25, TNM.
Dapoꞌre pu: ꞌRe Ĩhöimana uꞌötsi mono nhimipawaptobdzém na Jeová Watsuꞌuꞌwa norĩ te te waihuꞌu dzaꞌra nherẽ, te natsi aiꞌabaꞌré dawedeꞌwa dzô hödzé uꞌötsi wa. (Marcos 2:17) Tadzahã, wa te nharĩ dzaꞌra õ di dza e niha te dza atsiꞌmadö aihödzé wi; wanhimirotsaꞌrata na, dahöiba mono bö te te tsina ĩpitsutu dzaꞌra da tsi taha na.