ROMNHORÉ 09
Rowaptẽrẽ na te dza atsina ĩroté Ropotoꞌwa tẽme
Rowaptẽrẽ te dza aipawapto marĩ ahö na. Te dza aipawapto tsõpẽtẽ da roti duré ĩtsadaꞌöbödzé dadzadanharĩ ĩpire norĩ da dahöimanadzém na hã. Rowaptẽrẽ te dza duré aipẽꞌẽ hi aima robdzei õ wamhã. Taha nhipai u, te dza aipawapto Jeová tẽme atsina rotété da. Tane nherẽ, ãté te ꞌröwi ĩrotsaꞌra: “E niha ĩbö rowaptẽrẽdzé. E Ropotoꞌwa te natsi wapa uburé rowaptẽrẽ.” Oto wa te ꞌmadöꞌö dzaꞌra na e marĩ te dza ĩꞌmanha Ropotoꞌwa te te wapari da atsimirowaptẽrẽ norĩ.
1. E ꞌwai wi wa te ĩrowaptẽrẽ dzaꞌra da tsi duré e marĩ na.
Jesus ma tô rowahutu wa te rowaptẽrẽ dzaꞌra da Wamama höiwa ãma ꞌre ĩtsãmra mono wi tsi. Jesus tsiꞌuihö na ãne ma tô ꞌmanha. Te tinha: ‘Ãne te dza ꞌre aimreme dzutsi aba mo, ꞌRe ĩhöimana uꞌötsi mono ma: “Wamama, höiwa ãma ꞌre ĩꞌatsãmra mono hã . . .”’ (Mateus 6:9) Jeová wi wa te rowaptẽrẽ dzaꞌra wamhã, watsiwaihuꞌudzé õhõ ãma te dza tinhiptete.
Uburé marĩ na wa dza rowaptẽrẽ dzaꞌra ni. Tane nherẽ, Ropotoꞌwa te dza tsadaꞌö wanhimirowaptẽrẽ te te tsima ĩwẽdzéb dzarina wa te tiwi rowaptẽrẽ dzaꞌra waptsi. ‘ꞌRe ĩhöimana uꞌötsi mono u wa te watsina ꞌre rotété dzaꞌra mono wamhã, wa te ꞌre ĩꞌumnhatsi dzaꞌra mono dzé, ãne: ꞌRe ĩhöimana uꞌötsi mono te te tsima ꞌre ĩwẽ mono dzéb dzarina, tsiwaꞌru marĩ hã wa te tiwi ꞌre waptẽrẽ dzaꞌra mono wamhã, te dza te te wama ãma ꞌre ꞌaꞌuwaimrami.’ (1 João 5:14) Jesus ma tô ãma atsanho e marĩ na ĩrowaptẽrẽdzé. (Tsõré na Mateus 6:9-13.) Tô tsena wa dza rowaptẽrẽ dzaꞌra ni wahötöꞌödzém na hã. Tadzahã, wa dza duré rowaptẽrẽ dzaꞌra ni wa te tãma hepãrĩ dzaꞌra da te te wama ĩꞌmanharĩ dzaꞌra dzém na hã duré ĩhöiba amo norĩ te te pawaptob da.
2. E niha wa dza rowaptẽrẽ dzaꞌra ni.
Ropotoꞌwai mreme te tinha ‘wapẽꞌẽ na ꞌröwi ĩtẽme ꞌre watsihutu mono da, ꞌRe ĩhöimana uꞌötsi mono u hã.’ (Hebreus 10:22) Taha wa, ꞌröwi wapẽꞌẽ na wa te tiwi ĩrowaptẽrẽ dzaꞌra da tsi. Wa dza rowaptẽrẽ dzaꞌra ni wamreme ꞌrãihö na niwamhã ariꞌiwi na, tsiwaꞌru bötö na duré tsiwaꞌru darob ãma. Marĩ õ di wa te rowaptẽrẽ dzaꞌra wamhã wahiꞌrãtitõ watsime tsina, watsimatsam na niwamhã watsiꞌubumro na. Tane nherẽ, ĩpire uptabi Jeová wa te wadzéb dzaꞌra da.
3. E niha Ropotoꞌwa te dza tsadaꞌö wanhimirowaptẽrẽ hã.
Õ hã te te ĩwadzadaꞌöbö dzaꞌra dzéb da hã ahö di duré tsipuꞌu di. Ropotoꞌwai mreme wa te ꞌre tsõré dzaꞌra mono wamhã wa dza wa te tsõpẽtẽ dzaꞌra ĩtsadaꞌöbödzé hã wanhimidzadanharĩdzéb da hã. Ropotoꞌwai mreme ‘te rowaihuꞌu prãiꞌwa norĩ ma, rowaihu ĩwẽ hã te te tãma ꞌre anhomri.’ (Salmo 19:7; tsõré na Tiago 1:5.) Jeová te te tsõmri waihuꞌu petse di rowẽ wapẽꞌẽ ma ropire wa te ꞌwapé dzaꞌra wamhã. Duré te te rétsi waihuꞌu petse di tãma romhuriꞌwa norĩ hã te te wapawaptob dzaꞌra da marĩ wamhã.
WAIHUꞌU DURÉ
Te dza ĩꞌmadö ĩꞌmanharĩdzéb da hã Ropotoꞌwa te te wapari da aipẽꞌẽ na ĩrowaptẽrẽdzé. Te dza ĩwaihu duré e niha rowaptẽrẽ te dza aipawapto.
4. E marĩ, wa dza ꞌmanharĩ dzaꞌra ni Ropotoꞌwa te te wapari da wanhimirowaptẽrẽ.
E marĩ dzarina Ropotoꞌwa te dza tsima rowẽ wanhimirowaptẽrẽ na. ꞌMadöꞌö aba ĨROPODO.
Jeová te tsima wẽ wa te tiwi rowaptẽrẽ dzaꞌra da. Atsiré tsõré aba Salmo 34:15. Taha parimhã atsima robdzanhamri aba ãhã dadzadanharĩ ãma piꞌrebamhã:
Aima hã, e Jeová te tsima wẽ a hã tiwi rowaptẽrẽ da. E marĩ wa, ãne te ĩrotsaꞌra.
ꞌRe ĩwahöimana dzaꞌra mono da tsi Ropotoꞌwai ma ĩbö dzarina wanhimirowaptẽrẽ te te wapari da. Atsiré tsõré aba João 9:31 duré 1 Pedro 3:12. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha wa dza watsima uptabi dzaꞌra ni Jeová dza te te ĩwapari na hã wanhimirowaptẽrẽ.
Datsiꞌwapéi ãma, maparane daꞌwapé ꞌmanharĩꞌwai ubumro te rowaptẽrẽ dzahuré Ropotoꞌwai wi te te ãma aiꞌuté dzahuré da. Aima hã, e Ropotoꞌwa tô tsena te dza tsadaꞌö ta norĩ nhimirowaptẽrẽ.
5. ꞌRöwi wapẽꞌẽ na wa dza rowaptẽrẽ dzaꞌra ni
Niꞌwam norĩ ma tô waihuꞌu dzaꞌra rowaptẽrẽ na apö te te ãma ꞌre tsahu dzaꞌra mono da. E Ropotoꞌwa te tsima wẽ ãne da. Atsiré tsõré aba Mateus 6:7. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ te dza ĩꞌmanha ‘aimreme na ꞌre tsahu ahö mono tõ da apöre’ rowaptẽrẽ wamhã.
Aima wẽ di dza bötö tsidöpötsi rotsaꞌrata wamhã marĩ Jeová te te aima ĩꞌmanharĩ na hã tãma hepãrĩ da. Ãne ꞌmanharĩ wamhã bötö tsidöpötsi, mitsi romhuri parimhã te dza ĩꞌmadö oto ĩrowaptẽrẽ na hã 7 marĩ na ãma tsahu ãna apöre.
Damama ma wẽ di tiꞌra ꞌröwi ĩpẽꞌẽ na te te tãma robdzanhamri wamhã. Ãne duré Jeová ma wẽ di wa te tiwi rowaptẽrẽ dzaꞌra wamhã ꞌröwi wapẽꞌẽ na.
6. Rowaptẽrẽ hã Ropotoꞌwa nhibdzari
E niha rowaptẽrẽ hã te dza wanhiptete dzaꞌra rowẽ wamhã duré rowatsété wamhã. ꞌMadöꞌö aba ĨROPODO.
Ropotoꞌwai mreme te tinha rowaptẽrẽ dapẽꞌẽ ma rowẽdzém na. Atsiré tsõré aba Filipenses 4:6, 7. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Tsena na ropire hã ãté tsimani õ di dza rowaptẽrẽ parimhã. Tane nherẽ, e marĩ wa, wẽ di dza rowaptẽrẽ wamhã.
E marĩ na te atsima ĩwẽ rowaptẽrẽ da.
E ma tô ĩwaihu.
Damreme hebraico na “amém” te watsuꞌu “tane tô” niwamhã “tô tsena”. Duréi hawim haré Ropotoꞌwai mreme dzarina ãne te nharĩ dzaꞌra ni rowaptẽrẽ ꞌrãtsutudzém na. — Salmo 41:13.
7. Bödö atsima wadzere rowaptẽrẽ da
Nimahã na hã wanhiꞌwaꞌrutu uptabi wa, wa ãma poꞌre haꞌöri dzaꞌra ni rowaptẽrẽ na. E rowaptẽrẽ hã ĩpire Jesus ma. Atsiré tsõré aba Mateus 14:23 duré Marcos 1:35. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E niha Jesus ma tô natsi ꞌmanha te te rowaptẽrẽ da tsiꞌwaꞌrutu uptabi nherẽ.
E marĩ te dza ĩꞌmanha bödö atsima wadzere da rowaptẽrẽ da.
NIꞌWAM NORĨ TE NHARĨ DZAꞌRA ÃNE: “Rowaptẽrẽ tarére, niꞌwa te te wapari õ wa.”
E marĩ te aré ĩnha.
ĨWAIHUꞌUDZÉ HÃ
ꞌRöwi wapẽꞌẽ na wa te rowaptẽrẽ dzaꞌra wamhã, wa dza watsina rotété dzaꞌra ni Ropotoꞌwa tẽme. Rowẽ duré wanhiptetedzé te dza wama ꞌre höimana dzaꞌra Jeová ma ĩbö dzarina ꞌre wahöimana dzaꞌra mono da.
Ãma aipoꞌre puꞌu
E ꞌwai wi tsi wa dza rowaptẽrẽ dzaꞌra ni.
E niha wa dza rowaptẽrẽ dzaꞌra ni.
E niha rowaptẽrẽ hã te dza wapawaptob dzaꞌra.
TSÔ AIRĨTĨ DURÉ
Danhimidzadanharĩ ahö di rowaptẽrẽ ãma hã. Uptsibi me na ĩtsadaꞌöbödzé mono hã.
“7 dadzadanharĩ norĩ rowaptẽrẽ ãma” (Roꞌmadöꞌöꞌwa, 1º outubro na 2010 na)
Waihuꞌu e marĩ wa ĩpire rowaptẽrẽ da duré e niha te dza ĩpe atsimirowaptẽrẽ norĩ.
E ꞌwai wi tsi wa te ĩrowaptẽrẽ dzaꞌra da tsi. ꞌMadöꞌö Ropotoꞌwai mreme te te ĩnharĩdzé hã taha na.
“E wa dza rowaptẽ dahöiba ꞌmanharĩ wi.” (Ĩtsihötödzé jw.org na)
Ãhã ĩropoto na waihuꞌu bödö duré daro ĩbö höimana dzô rowaptẽrẽ da.