ROMNHORÉ 16
E marĩ Jesus ma tô ꞌmanha Tiꞌab ré.
Daꞌahö na aimawi na te rotsaꞌrata dzaꞌra ni Jesus ãma. Niꞌwam norĩ te tsipoꞌre puꞌu dzaꞌra Jesus ãma aiꞌutépré na tsi. Niꞌwam norĩ taré te ꞌmadöꞌö dzaꞌra roꞌmahörö ꞌrata ꞌwa ĩtsimidzaꞌretse na hã. Duré niꞌwam norĩ ma hã taré tãma waihuꞌu petse dzaꞌra di Jesus döꞌödzé. Tadzahã, wa te romnhoré dzaꞌra wamhã ĩhöimanadzém na hã Tiꞌab ré, wa ꞌmadöꞌö dzaꞌra ni Jesus taha tsi õ na hã. Ãhã romnhoré na hã wa dza ꞌmadöꞌö dzaꞌra ni marĩ danhipai u ĩpire norĩ hã Jesus te te ĩꞌmanharĩ hã duré e niha tahã te dza aipawapto.
1. E mahã Jesus nhimiromhuri danhipai u ĩpire hã.
Jesus nhimiromhuri danhipai u ĩpire hã ‘Rowatsuꞌu wẽ Ĩté ... te te dama ꞌre ĩwatsuꞌu mono da hã’. (Tsõré na Lucas 4:43.) Jesus ma tô dama roꞌmahö roꞌmahörö wẽ na Ropotoꞌwa nhimirobꞌrudzém na hã. Ãhã Robꞌrudzé te dza dama uprotsi uburé ropire norĩ hã.a Tsiꞌubdatõ wahu wãiwa Jesus ma tô romhu tsimiꞌẽ na te te dama watsuꞌu da roꞌmahörö wẽ na. — Mateus 9:35.
2. E marĩ wa Jesus ma tô te te ꞌre abꞌmanharĩ dama ĩꞌmanharĩ waihuꞌuꞌõ hã.
Ropotoꞌwai mreme te watsuꞌu Jesus ‘marĩ dama ĩꞌmanharĩ waihuꞌuꞌõ te te ꞌre ĩꞌaꞌmanharĩ mono dzé’. (Atos 2:22) Ropotoꞌwa nhiptetedzém na hã Jesus ma tô tsadzö rowaꞌu hã, datsa ma tô te te dama anhomri, ma tô daꞌapetse duré ma tô daꞌahöiwaꞌutu. (Mateus 8:23-27; 14:15-21; Marcos 6:56; Lucas 7:11-17) Dama ĩꞌmanharĩ waihuꞌuꞌõ Jesus nhimiꞌmanharĩ ma tô tsõꞌawi höiꞌré õ hã Ropotoꞌwa nhimidzatõrĩ na hã. Ma tô duré höiꞌré Jeová te te ĩꞌuprotsi waihuꞌu petse na hã uburé ropire norĩ wama ĩhöimana dzaꞌra mono hã.
3. E marĩ, wa dza waihuꞌu dzaꞌra ni Jesus höimanadzém na hã.
Jesus ma tô te te ꞌre tsadawa dzamarĩ uꞌötsi Jeová uburé na hã. (Tsõré na João 8:29.) Jesus ãne ma tô te te ꞌre ꞌmanharĩ uꞌötsi tidöꞌödzéb u hã da te tãma robꞌmanharĩ watsété nherẽ. Õ hã ma tô höiꞌré Ropotoꞌwai ma wa te ĩromhuri waihuꞌu petse dzaꞌra na hã roꞌwaꞌré norĩ nherẽ. Jesus ‘ma tô ãma wama atsanho dzaꞌra, ĩtsirã dzarina ꞌre wanomro mono da.’ — 1 Pedro 2:21.
WAIHUꞌU DURÉ
Te dza ĩꞌmadö e niha Jesus roꞌmahörö wẽ na ma tô dama roꞌmahö duré e niha marĩ dama ĩꞌmanharĩ waihuꞌuꞌõ ma tô ꞌmanha.
4. Jesus roꞌmahörö wẽ na ma tô dama roꞌmahö
Jesus ma tô natsi ne romhö uptabi na bödödi watsété nherẽ marĩ ĩpire uptabi da: roꞌmahörö wẽ na te te dama roꞌmahörö da daꞌahö uptabi ma hã. Atsiré tsõré aba Lucas 8:1. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E Jesus ma tô roꞌmahö ĩtẽme ĩtsiꞌabaꞌré norĩ ma tsi.
E niha Jesus ma tô tsiwatsutu te te daꞌanhopẽtẽ da.
Ropotoꞌwa ma tô roꞌmahö tsiro roꞌmahörö wẽ na Messias dza te te dama ĩroꞌmahörö na hã. Atsiré tsõré aba Lucas 4:17-19. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E niha Jesus ma tô tsina uwaimra ãhã roꞌmahörö ꞌrada.
Aima hã, ã bötö na hã e dama rowẽ di dza ãhã roꞌmahörö wẽ norĩ da te wapari dzaꞌra wamhã.
5. Jesus ma tô dama waihuꞌu rowahudu ĩpire norĩ
Roꞌmahörö wẽ norĩ me Ropotoꞌwa nhimirobꞌrudzém na hã, Jesus ma tô duré dama waihuꞌu roti ĩpawaptobdzém norĩ. ꞌMadöꞌö nimahã roti norĩ ẽtẽ ꞌrãihö ãma te te dama ĩrowahutudzéb ꞌremhã. Atsiré tsõré aba Mateus 6:14, 34 duré 7:12. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E mahã roti ĩwẽ norĩ Jesus ma tô dama waihuꞌu ãhã romnhihötö norĩ ꞌremhã.
Aima hã, e ãhã roti norĩ dapawaptobdzé ãhãna hã.
6. Jesus marĩ dama ĩꞌmanharĩ waihuꞌuꞌõ ma tô ꞌmanha
Jeová ĩtsiptetedzé ma tô titsõ Jesus ma, marĩ dama ĩꞌmanharĩ waihuꞌuꞌõ te te ꞌre abꞌmanharĩ mono da. ꞌMadöꞌö nima norĩ. Atsiré tsõré aba Marcos 5:25-34 niwamhã ꞌmadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Ĩropoto dzarina e marĩ na piꞌõ ĩhödzé ré ma tô tsadzei petse.
E marĩ na ma tô atobꞌudzu ãhã marĩ dama ĩꞌmanharĩ waihuꞌuꞌõ na hã.
Atsiré tsõré aba João 5:36. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ dama ĩꞌmanharĩ waihuꞌuꞌõ Jesus nhimiꞌmanharĩ mono ma tô dama uptabi.
E ma tô ĩwaihu.
Marĩ ahö na wa te ĩwaihuꞌu dzaꞌra Jesus ãma te tihöiba Mateus, Marcos, Lucas duré João nhimirowatsuꞌu ꞌremhã Ropotoꞌwai mreme na. Ta norĩ hã ĩꞌmahörödzé Rowatsuꞌu wẽ na. Romnhihötöꞌwai mono bö ma tô tsihötö marĩ ĩhöiba amo norĩ te te ĩtsihötö dzaꞌra õ na hã Jesus höimanadzém na hã. Romnhihötö norĩ ubumro wa te tsõré dzaꞌra wamhã wa te ꞌmadöꞌö wẽ dzaꞌra di e niha aré Jesus höimanadzé ãmemhã Tiꞌai ãma.
MATEUS
Ma tô tsihötö ni ĩmorĩꞌrata na. Wa te ãma tsõpẽtẽ waihuꞌu petse dzaꞌra di Jesus nhimirowahudu. Ta norĩ ꞌremhã, ahö di rowahutu norĩ Ropotoꞌwa nhimirobꞌrudzém na hã.
MARCOS
Ãhã ĩhöiwarobo danhipai u ĩtsuru. Te rowatsuꞌu waptu na marĩ datobꞌudzudzém norĩ Jesus höimanadzém na hã.
LUCAS
Te rowatsuꞌu e marĩ wa, rowaptẽrẽ ĩpire uptabi Jesus ma hã duré tinhimidzawi na hã piꞌõ norĩ ma ꞌre ĩhöimana mono na hã.
JOÃO
Te rowatsuꞌu Jesus te te ĩrobdzanhamridzé dama hã duré titsiwaihuꞌu norĩ ma hã. Tahã te wama waihuꞌu dzaꞌra marĩ wẽ norĩ hã Jesus höimanadzém na hã.
NIꞌWAM NORĨ TE NHARĨ DZAꞌRA ÃNE: “Jesus Ropotoꞌwai ꞌra õ di. Õhõ aré taré niꞌwa ĩhöimana wẽ.”
E niha te ĩrotsaꞌra.
ĨWAIHUꞌUDZÉ HÃ
Jesus Ropotoꞌwa nhimirobꞌrudzém na hã ma tô dama roꞌmahö, marĩ dama ĩꞌmanharĩ waihuꞌuꞌõ ma tô ꞌmanha duré ma tô te te ꞌre tsadawa dzamarĩ uꞌötsi Jeová uburé na hã.
Ãma aipoꞌre puꞌu
E mahã Jesus nhimiromhuri danhipai u ĩpire Tiꞌai ãma.
E marĩ dama ĩꞌmanharĩ waihuꞌuꞌõ Jesus nhimiꞌmanharĩ ma tô höiꞌré.
E mahã roti ĩpawaptobdzém norĩ Jesus ma tô dama waihuꞌu.
TSÔ AIRĨTĨ DURÉ
E marĩ na Jesus danhipai u te te dama robdzanhamri dze ti.
“E marĩ wa Ropotoꞌwa nhimirobꞌrudzé ĩpire Jesus ma.” (Roꞌmadöꞌöꞌwa, 1.º outubro na 2014 na)
ꞌMadöꞌö e marĩ wa, wa te tsadzei waihuꞌu petse dzaꞌra di marĩ dama ĩꞌmanharĩ waihuꞌuꞌõ Jesus nhimiꞌmanharĩ tô tsena ĩwairébé na hã.
Tsõré na aibö tihöimanadzém na te te ĩtsaprĩ watsuꞌu te te waihuꞌu parimhã Jesus dama ꞌre ĩhöimana mono dzém na hã.
“Wa aré natsi ĩ̱tsina rotsaꞌrata” (Roꞌmadöꞌöꞌwa, 1.º outubro na 2014 na)
ꞌMadöꞌö marĩ danhipai u ĩpire norĩ Jesus te te ĩꞌmanharĩ hã ĩwairébédzép tsidöpötsi.
a Romnhoré 31-33 ãma hã wa dza waihuꞌu petse dzaꞌra ni Ropotoꞌwa nhimirobꞌrudzém na hã.