• 2 Kumkani 25:8-10
    IZibhalo Ezingcwele—INguqulelo Yehlabathi Elitsha

    • 8 Ngenyanga yesihlanu, ngo­mhla wesixhenxe kuloo nyanga, oko kukuthi, ngonyaka we-19 kaKumkani uNebhukadenetsare waseBhabhiloni, uNebhuzaradan+ umphathi woonogada, osisicaka sikakumkani waseBhabhiloni, wagaleleka eYerusalem.+ 9 Wayitshisa indlu kaYehova,+ indlu kakumkani+ nazo zonke izindlu zaseYerusalem;+ watshisa nezindlu zazo zonke izikhulu.+ 10 Yaye zonke iindonga ezazijikeleze iYerusalem zadilizwa ngumkhosi wamaKhaledi owawukunye nomphathi woonogada.+

  • 2 Kronike 34:24, 25
    IZibhalo Ezingcwele—INguqulelo Yehlabathi Elitsha

    • 24 “Uthi uYehova, ‘Ndiza kuyizisela intlekele le ndawo nabantu bayo,+ ndizizise zonke iziqalekiso ezibhalwe kule ncwadi+ ifundwe phambi kokumkani wakwaYuda. 25 Ngenxa yokuba beye bandilahla+ baza baqhumisa umbingelelo kwabanye oothixo ukuze bandicaphukise+ ngayo yonke imisebenzi yezandla zabo, ndiza kuwukhuphela kule ndawo umsindo wam, ibe awuzukwehla.’”+

  • 2 Kronike 36:16, 17
    IZibhalo Ezingcwele—INguqulelo Yehlabathi Elitsha

    • 16 Kodwa baqhubeka bebagculela abathunywa boThixo wokwenene,+ bewacaphukela namazwi akhe.+ Babehlekisa ngabaprofeti bakhe+ de uYehova wanomsindo,+ kwada kwabonakala ukuba abazukuncedakala.

      17 Wabazisela ukumkani wamaKhaledi,+ owabulala abafana babo ngekrele+ endlini yabo engcwele.+ Zange abe nalusizi ngomfana okanye ngentombi, omdala okanye ogulayo.+ UThixo wayinikela esandleni sakhe yonke into.+