ICANDELO 6

Sifunda Ntoni KuMkhukula?

UThixo wabatshabalalisa abangendawo waza wasindisa uNowa nentsapho yakhe. Genesis 7:11, 12, 23

Umkhombe uyadada, abantu ababi batshona emanzini, zona iingelosi ezivukele uYehova zishiya imizimba yazo yenyama

Kwanetha iintsuku ezingama-40 nobusuku bazo, yaye amanzi awugubungela wonke umhlaba. Bonke abantu abangendawo bafa.

Iingelosi ezinemvukelo zayishiya imizimba yazo yenyama zaza zaba ziidemon.

UNowa, intsapho yakhe nezilwanyana baphuma emkhombeni, kubonakala umnyama esibhakabhakeni

Basinda abo babesemkhombeni. Nakuba ekugqibeleni uNowa nentsapho yakhe bafayo, uThixo uya kuphinda abavuse benethemba lokuphila ngonaphakade.

UThixo uya kuphinda atshabalalise abangendawo aze awasindise amalungisa. Mateyu 24:37-39

USathana needemon zakhe balahlekisa abantu ngeendlela ezahlukahlukeneyo

USathana needemon basaqhubeka belahlekisa abantu.

Njengakumhla kaNowa, abantu abaninzi namhlanje abaluthobeli ulwalathiso lukaYehova lothando. Kungekudala uYehova uza kubatshabalalisa bonke abangendawo.—2 Petros 2:5, 6.

AmaNgqina KaYehova ashumayeza indoda esebenzisa iBhayibhile; indoda ifunda iBhayibhile

Abanye abantu bafana noNowa. Bayamphulaphula baze bamthobele uThixo; abo bantu ngamaNgqina kaYehova.