“Kutheni Iintsana Zisifa?”

Oko koko intsapho eyaphulukana nabantwana ababini abancinane yayifuna ukukwazi. Indoda yaseWillowick, eOhio, eUnited States, yacacisa:

“Kutshanje, kwehle intlekele entsatsheni yakowethu. Udade wethu wokwenyama uphulukene neemveku zakhe ezimbini kwingozi yemoto emanyumnyezi. Kakade ke, intsapho iphela ibibuhlungu ngokungathethekiyo. Umfundisi wabo onguMbhaptizi akazange anikele ntuthuzelo engokweZibhalo. Waphelela nje ngokuthi, ‘Yayikukuthanda kukaThixo’ nokuthi, ‘uThixo ebefuna iingelosi ezimbini ezingakumbi.’

“Nangona kwakungekho thuba lingako lokwenza uphando, ndaphethukela kwincwadi ethi Ukuqiqa NgeZibhalo kumxholo wayo othi ‘Kutheni Iintsana Zisifa?’ Kwiintsuku neeveki ezilandelayo, mna nomfazi wam sakwazi ukwabelana nentsapho yakowethu ngeempendulo zenyaniso kwimibuzo yabo emininzi, enjengethi, ‘Kutheni Iintsana Zisifa?“Ngaba kukuthanda kukaThixo ukuthabatha abantwana kubazali babo?’ yaye, nowona ubalulekileyo, ‘Liliphi ithemba elikhoyo lokubona aba bantwana bathandekayo kwakhona?’ Abazali bam bathe bangathanda ukuza kwiHolo yoBukumkani kwixesha elizayo.”

Incwadi ethi Ukuqiqa NgeZibhalo iqulethe imixholo yemibandela eziintloko engaphezu kwama-70. Kuqukwe ethi “UkuFa,” “IsiHogo,” “UmPhefumlo,” “UkuXwilwa,” “UkuVela Ngokutsha,” “ISini,” “UkuKhafula,” neminye emininzi. Isalathiso sayo semibandela nezibhalo esikumaphepha asixhenxe sinokukunceda ufumane iimpendulo ngokukhawuleza. Ukuze ufumane umbhalo, nceda uzalise uze uthumele iphetshana elilapha.

Ndingathanda ukufumana incwadi ephathekayo nenoqweqwe olulukhuni enamaphepha angama-448 ethi Ukuqiqa NgeZibhalo. (Ngaphandle koMzantsi Afrika, bhalela isebe leWatch Tower lasekuhlaleni ukuze ufumane inkcazelo. Bona iphepha 2.)