Izaziso
◼ Umnikelo woncwadi NgoSeptemba: Ulwazi Olukhokelela Kubomi Obungunaphakade ngomnikelo wee-R5,00 ize enoqweqwe olulukhuni ibe zii-R3,75 enoqweqwe oluthambileyo. Ngo-Oktobha: Imibhalo yephephancwadi IMboniselo noVukani! NgoNovemba: Ulwazi Olukhokelela Kubomi Obungunaphakade ngomnikelo wee-R5,00 enoqweqwe olulukhuni ize ibe zii-R3,75 enoqweqwe oluthambileyo. NgoDisemba Ulwazi Olukhokelela Kubomi Obungunaphakade neNguqulelo Yehlabathi Elitsha YeZibhalo ZamaKristu ZesiGrike ngomnikelo wee-R9,00 xa uhambisa incwadi enoqweqwe olulukhuni ize enoqweqwe oluthambileyo ibe yi-R7,75.
◼ Umveleli owongamelayo okanye uthile owabelwe nguye ufanele ahlolisise ingxelo yemali yebandla ngoSeptemba 1 okanye ngokukhawuleza kangangoko kunokwenzeka emva koko. Yenza isaziso ebandleni xa oku kwenziwe.
◼ Amabandla afanele aqalise ukuodola IKhalenda YamaNgqina KaYehova Yowe-1999 kunye neodolo yawo yoncwadi kaSeptemba. Iikhalenda ziya kufumaneka ngesiBhulu, isiFrentshi, isiGrike, isiJamani, isiNgesi, isiPhuthukezi, isiSuthu, isiTaliyane, isiXhosa nesiZulu. Ezi zizinto zesitokhwe esiqingqiweyo. Amabandla angavulanga tyala loncwadi kuMbutho afanele athumele imali neodolo.
◼ Kukhunjuzwa abadala ukuba benze ngokuvisisana nemiyalelo enikelwe kwiphepha 21-3 leMboniselo ka-Aprili 15, 1991, ngokuphathelele nabaphi na abantu abasusiweyo kubudlelane okanye abazahluleyo abasenokuba bafuna ukubuyiselwa.
◼ NCEDANI NIPHAWULE: Xa nitsalela umnxeba kuMbutho, ncedani nikhumbule oku kulandelayo: (1) Ngaphandle kweemeko zongxamiseko, ncedani xa nitsalela umnxeba amalungu entsapho yaseBheteli ngemicimbi yobuqu nikwenze oko emva kweeyure zomsebenzi ekubeni iminxeba yethu ixakeka gqitha ebudeni bemini. (2) Xa utsala umnxeba mayela nengxaki ethile okanye umbuzo, nceda uchaze ngokucacileyo indawo okuyo nombandela ofuna ukuwuxubusha. Asibakhuthazi abadala ukuba bacele umzalwana othile ngegama ekubeni esenokuba wabelwe kwelinye isebe okanye akafumaneki ukuba akuncede. Umntu ophendula iminxeba uya kukwazi ukukufaka kwisebe elifanelekileyo. Ncedani nizame ukubetha koomofu kangangoko kunokwenzeka xa nitsala umnxeba ukuze kongiwe ixesha elixabisekileyo. (3) Ukuba unengxaki yobuqu ofuna ukuyixubusha, nceda uyixubushe nabadala basekuhlaleni kuqala, ngaphambi kokutsalela umnxeba uMbutho. Abadala ngabona banokukwazi ukukunceda kwimibuzo okanye iingxaki onazo. Ngaphandle kokuba ngumbandela ongxamisekileyo, sikhuthaza BONKE, abazalwana, kuquka nabadala, ukuba babhale ileta bechaza ngaloo ngxaki. Singavuya ukuba sinokunikela ingqalelo ngokukhawuleza kulo mcimbi.—Bona iSingxobo Semibuzo kuBulungiseleli Bethu BoBukumkani bukaDisemba 1992, iphepha 5.