Ukukhonza Apho Imfuneko Inkulu Khona
La mabandla alandelayo afuna abadala, izicaka zolungiselelo noovulindlela. Ngaba ungazenza ufumaneke? Nceda uqhagamshelane noMbutho ukuze ufumane iinkcukacha ezingakumbi.
Elugwijini, EFlagstaff: Kufuneka uncedo kweli bandla linabavakalisi abangama-28 noodade abahlanu abangoovulindlela abathe ngxi. Ngokuqhelekileyo kuza abantu abangama-66 kwiiNtlanganiso Zesidlangalala. Kukho imihlaba emikhulu kulo mmandla ekufuneka isetyenzwe, ngoko ke, oovulindlela, abadala okanye izicaka zolungiselelo ziya kuvuyelwa.
ENew Brighton, EBhayi: Libandla elinabavakalisi abangama-46 nesicaka solungiselelo esinye. Kufuneka abadala nezicaka zolungiselelo ezingakumbi ukuze bancedise ekukhokeleni nasekunyamekeleni iimfuno zomhlambi. Ngaba abadala nezicaka zolungiselelo abaneentsapho ezomeleleyo ngokomoya banokulamkela olu celomngeni?
ENyanga North, EKapa: Kufuneka abadala nezicaka zolungiselelo abaneentsapho ezomeleleyo ngokomoya. Kukho abavakalisi abangama-48, umdala omnye nezicaka zolungiselelo ezi-2. Oovulindlela, abatshatileyo okanye abangatshatanga, baya kuba luncedo kakhulu njengokuba kukho umhlaba omkhulu ekufuneka ugutyungelwe.
ENyanga West, EKapa: Eli libandla elinabavakalisi abali-102 nabadala aba-2 kuphela. Kukho imfuneko engakumbi yabadala abongezelelekileyo abaneentsapho ezomeleleyo ngokomoya ukuze bakhokele.
ERocky Park, EQonce: Eli libandla elincinane elifuna oovulindlela abanokukhokela baze bahlakulele umdla kulo mhlaba mkhulu.