Izinto Ezimele Zikhunjulwe Xa Kulungiselelwa ISikhumbuzo

ISikhumbuzo salo nyaka siza kuba ngoLwesithathu, Aprili 12. Abadala bafanele bakhumbule ezi zinto zilandelayo.

◼ Xa nikhetha ixesha lale ntlanganiso, qinisekani ukuba imifuziselo ayihanjiswa de kube semva kokutshona kwelanga.

◼ Wonke umntu, kuquka isithethi, ufanele aziswe ngexesha nendawo esiza kuqhutywa kuyo iSikhumbuzo.

◼ Kufanele kulungiswe isonka newayini efanelekileyo.—Bona IMboniselo kaFebruwari 15, 2003, iphe. 14-15.

◼ Iipleyiti, iiglasi, itafile nelaphu letafile zifanele zibe seholweni yaye zilungiswe kwangethuba.

◼ IHolo yoBukumkani okanye indawo ekuza kuqhutyelwa kuyo le ntlanganiso ifanele icocwe kwangethuba.

◼ Abalindi nabo baza kuhambisa imifuziselo bafanele bakhethwe baze bachazelwe kusengaphambili ngemisebenzi yabo, nangendlela abaza kuyenza ngayo yaye bamele banxibe baze bazilungise ngendlela endilisekileyo.

◼ Kufanele kwenziwe amalungiselelo okusa imifuziselo kuye nawuphi na umthanjiswa ongaphilanga nongayi kukwazi ukubakho.

◼ Ukuba iHolo yoBukumkani iza kusetyenziswa ngamabandla aliqela, loo mabandla afanele asebenzisane ukuze kuphetshwe ukuxinana ezipasejini okanye kwiminyango yokungena, kwiindledlana zokuhamba nakwiindawo zokupaka iimoto.