Impinda YeSikolo SoBulungiseleli Sobuthixo

Le mibuzo ilandelayo yempinda yeSikolo SoBulungiseleli Sobuthixo igubungela izabelo ezisusela kwiveki kaAgasti 26, 2013. Kuqukwe nosuku eza kuxutyushwa ngalo ingongoma nganye ukuze abavakalisi baphande xa belungiselela isikolo veki nganye.

1. Sisiphi isifundo esibalulekileyo esinokusifunda ekwamkeleni kukaKumkani uHerode ukunconywa nozuko awayengamele alufumane? (IZenzo 12:21-23) [Julayi 1, w08 5/15 iphe. 32 isiqe. 7]

2. Ulutsha olungamaKristu lungancedakala njani xa luhlola luze lulandele umzekelo kaTimoti? (IZenzo 16:1, 2) [Julayi 8, w08 5/15 iphe. 32 isiqe. 10]

3. Emva kokuba beva uApolo ‘ethetha ngenkalipho’ kwindlu yesikhungu yase-Efese, uAkwila noPrisila bamlungisa njani ngothando? (IZe. 18:24-26) [Julayi 15, w10 6/15 iphe. 11 isiqe. 4]

4. Exhaswa ziZibhalo, amaNgqina kaYehova anokuzisebenzisa njani iinkundla ukuze akhusele ilungelo lawo lokushumayela? (IZenzo 25:10-12) [Julayi 22, bt iphe. 198 isiqe. 6]

5. UPawulos waqhubeka njani ezama iindlela ezahlukahlukeneyo zokunikela ubungqina ngoxa wayesentolongweni eRoma yaye abakhonzi bakaYehova bawulandela njani umzekelo wakhe namhlanje? (IZenzo 28:17, 23, 30, 31) [Julayi 29, bt iphe. 215-217 isiqe. 19-23]

6. Kutheni iBhayibhile isithi izenzo zobufanasini ziphikisana nemvelo yaye zingamanyala? (Roma 1:26, 27) [Aga. 5, g 1/12 iphe. 28 isiqe. 7]

7. Kunokwenzeka njani ukuba ‘intlawulelo kaKristu Yesu’ igubungele “izono ezenzeka kwixesha elidluleyo” ngaphambi kokuba ihlawulwe? (Roma 3:24, 25) [Aga. 5, w08 6/15 iphe. 29 isiqe. 6]

8. Liliphi ilungiselelo lothando likaYehova laxa sijamelene neemeko ezinzima de singayazi nento emasiyithandazele? (Roma 8:26, 27) [Aga. 12, w08 6/15 iphe. 30 isiqe. 10]

9. Kuthetha ntoni ‘ukulandela ikhondo lokubuk’ iindwendwe’? (Roma 12:13) [Aga. 19, w09 10/15 iphe. 5-6 isiqe. 12-13]

10. ‘Siyambatha njani iNkosi uYesu Kristu’ njengoko umpostile uPawulos ecebisa? (Roma 13:14) [Aga. 26, w05 1/1 iphe. 11-12 isiqe. 20-22]