Iindaba Ezingokobuthixo

NgoNovemba kunikelwe ingxelo yomsebenzi obalaseleyo wokuqhutywa kwezifundo zeBhayibhile kula mazwe alandelayo apho umsebenzi wethu ubusandula ukwamkelwa ngokusemthethweni kuwo:

EAlbania: Abavakalisi abangama-99 baqhube izifundo zeBhayibhile ezingama-210.

EBaltic States: La mazwe anikele ingxelo edibeneyo yabavakalisi abangama-2199 nezifundo zeBhayibhile ezingama-4632.

EBulgaria: Abavakalisi balapho abangama-296 banikele ingxelo yezifundo zeBhayibhile ezingama-657.

Kwakhona kukho iingxelo eziliqela ezikhuthazayo ezivela eAfrika:

ECentral African Republic: Ngo-Oktobha kufikelelwe incopho entsha yabavakalisi abali-1600, yaye kunikelwe ingxelo yezifundo zeBhayibhile zamakhaya ezingama-2966.

EChad: Bekukho abavakalisi abangama-345 ngo-Oktobha, abebekho kucwangciso lweendibano zabo zosuku olunye ezikhethekileyo ezintandathu bebeli-654.

ERwanda: NgoNovemba abavakalisi abali-1762 abafaka ingxelo baqhube izifundo zeBhayibhile zamakhaya ezingama-6270.

Ezi ngxelo xa zizonke zinikela ubungqina obuphawulekayo bokuba uYehova ngoku uzalisekisa idinga lakhe lokukhawulezisa umsebenzi wokuhlanganisa kumhla wethu.—Isa. 60:22.

EMzantsi Afrika: Ibandla laseHlankomo eTranskei linandiphe ilungelo lokunikezela iHolo yoBukumkani yalo kuYehova ngoJanuwari 9, 1993.