Yiya Umthemba UYehova Ukuba Uza Kukusindisa

Funda iNumeri 13:25–14:4 ukuze ubone indlela amaSirayeli awayengamthembanga ngayo uYehova.

Zama ukuyiqonda le nto kuthethwa ngayo. Kwakutheni ukuze kufuneke amaSirayeli amthembe uYehova ukuba uza kuwasindisa njengoko ayesimka eYiputa? (INdu. 78:​12-16, 43-53) Yintoni eyawenza ayeka ukumthemba? (Dut. 1:​26-28) UYoshuwa noKalebhi babonisa njani ukuba babethembele kuYehova?​—Num. 14:​6-9.

Phanda. Yintoni awayenokuyenza amaSirayeli ukuze aye emthemba uYehova? (INdu. 9:10; 22:4; 78:11) Ukuthembela kuYehova kudibana njani nokumhlonipha?​—Num. 14:11.

Likufundisa ntoni eli bali? Zibuze:

• ‘Ziintoni ezinokwenza kube nzima ukuba ndithembele ngoYehova?’

• ‘Ziintoni endinokuzenza ukuze ndiye ndithembela ngoYehova ngoku nakwixesha elizayo?’

• ‘Njengoko intlungu engathethekiyo isondela, yintoni endimele ndiqiniseke ngayo?’​—Luka 21:​25-28.