Ngaba Izinto Ezibuhlungu Ziya Kuze Ziphele?

ITHINI IBHAYIBHILE?

“UThixo . . . uza kuzosula zonke iinyembezi emehlweni abo, kungabi sabakho kufa, kungabi sabakho kuzila nakukhala nantlungu.”​—ISityhilelo 21:​3, 4, iNguqulelo Yehlabathi Elitsha.

INGAKUNCEDA NJANI LE NTO?

Unokuqiniseka ukuba ayingoThixo owenza sibe neengxaki.​—Yakobi 1:13.

Kunokukuthuthuzela ukwazi ukuba uThixo uyayiqonda indlela esiziva ngayo xa sisehlelwa zizinto ezibuhlungu.​—Zekariya 2:8.

Kukunika ithemba lokuba izinto ezibuhlungu ziza kuphela.​—INdumiso 37:9-11.

NGABA SINOKUYIKHOLELWA INTO ETHETHWA YIBHAYIBHILE?

Ewe, nazi ezinye izizathu zokuyikholelwa:

• UThixo akazithandi izinto ezimbi nokungabikho kobulungisa. Ngaba uyayazi indlela awaziva ngayo uThixo xa abantu bakhe baphathwa kakubi ngexesha lokubhalwa kweBhayibhile? IBhayibhile ithi waba buhlungu xa ‘babecinezelwa yaye bexhatshazwa.’​—ABagwebi 2:18.

  UThixo akabafuni abantu abaphatha kakubi abanye. Ngokomzekelo, iBhayibhile ithi ‘izandla ezichitha igazi elimsulwa’ uyazonyanya.​—IMizekeliso 6:​16, 17.

• UThixo ukhathalele ngamnye wethu. Uthi masiliphose kuye lonke ixhala lethu ‘kuba usikhathalele.’​—1 Petros 5:7.

  Kungekudala, uYehova uza kuziphelisa izinto ezibuhlungu esebenzisa uBukumkani bakhe. (Mateyu 6:​9, 10) Okwangoku, uyabathuthuzela abo bamfuna nyhani.​—IZenzo 17:​27; 2 Korinte 1:​3, 4.