Yandinceda Esikolweni

EJamani kukho abafundi abaninzi abasuka kwamanye amazwe, abafunda kwisikolo sokuqeqeshela ukwenza imisebenzi yezandla. Basuka eFransi, eGeorgia eIndiya, eLebanon, eMzantsi Afrika, ePoland, eRashiya, eUkraine, eVietnam nakwilizwe elalisakuba yiYugoslavia.

Omnye umfundi ubhala athi: “Xa esikolweni sanikwa ithuba lokuba senze ingxelo, ndalixhakamfula elo thuba. Ndakhetha ukuthetha ngomxholo othi ‘Iimpendulo Ezichanileyo Zemibuzo Ebuzwa Ngabantu Abaselula’ ekwincwadi ethi Imibuzo Yabantu Abaselula—Iimpendulo Eziluncedo. Abafundi babechukumisekile yimixholo namacebiso aluncedo akule ncwadi.

Emva kokuba ndigqibile, abafundi batsho ngentswahla yezandla bebonisa uxabiso. Ekubeni bonke besafunda ezinye iilwimi yaye besazi kakuhle isiNgesi, ndahambisa iincwadi ezingama-30 zesiNgesi ndaza enye yesiJamani ndayinika utitshalakazi wethu.”

Kwiintsuku ezalandelayo, waqhubeka nengxubusho yeBhayibhile nabanye kwaba bafundi, kwaye baqhubeka bebonisa umdla. Wabanika nezinye iincwadi ezisekelwe eBhayibhileni ngesiArabhu, ngesiBengali, ngesiGeorgia, ngesiPolish, ngesiRashiya, ngesiSpanish nangesiVietnam.

Mhlawumbi kukho othile oselula ocinga ngaye onokuncedwa yile ncwadi ithi Abantu Abaselula Bayabuza. Kwizahluko zayo ezingama-39 kukho ezithi: “Ndinokuzenzela Njani Abahlobo Bokwenene?,” “Kuthekani Ngokuba Neentlobano Zesini Ngaphambi Komtshato?,” nothi “Ndinokwazi Njani Ukuba Luthando Lokwenene?” Unokuzicelela eyakho incwadi ngokuzalisa eli phetshana lingezantsi uze ulithumele kwiadresi efanelekileyo kwezidweliswe kwiphepha 5 leli phephancwadi.

□ Ncedani nindithumelele incwadi eboniswe apha.

□ Ncedani niqhagamshelane nam ngokuphathelele isifundo seBhayibhile sekhaya sesisa.