Famonjiagna atsika amy ota ndraiky fahafatesagna

35 Azonao onogno ma Adama, lelahy voanalohany, nanota igny? Nariany fiaignana ndraiky paradisa, boaka iô maty koa atsika jiaby, fôtony taranakanany.—Romana 5:12; 3:23

36 Mety hahazo zegny fiaignana paradisa zegny ndraiky atsika, izikoa misy lelahy hafa araiky tsisy antsany magnamia aigninany ho atsika, na magnavotro atsika amy fahafatesagna.—1 Korintiana 15:45; Romana 5:19, 21

37 Zanaka Zagnahary Jesosy. Olo tsisy antsany izy. Tsy nanota izy.—Hebreo 5:9; 7:26

38 Nagneky hivonen’olo tsy tia Zagnahary izy.—Asan’ny Apostoly 2:23.

Nagnano fagnatitry tegnanany ho atsika izy tamy zegny.—1 Timoty 2:6

39 Nalevigny tao amy vatolampy nangadigny na fasagna, Jesosy. Maty tagnatiny telo andra izy. Boaka iô, nivilomin-Jagnahary izy.—Asan’ny Apostoly 2:24

40 Nimpody an-dagnitry agny izy. Afaka mangataka amy Zagnahary izy iziô beky hagnampy irô magnaraka volagna Zagnahary.—Hebreo 9:24; 1 Jaona 2:1, 2