Ino ma Raha Atao amy Birony Sampan̈a?

Olo jiaby amy Betela ao samy aminy asanany. Raha jiaby atao ao samy mampandeha asa fitorian̈a amy tany jiaby. Sasany pandika teny, man̈ano boky, manambatra boky, mikarakara fikajian̈a boky, man̈ano video ndreky CD momba Baiboly, mikarakara raha ten̈a ilain̈a amy faritry io.

Miaraka miasa Filankevipitantan̈ana ndreky Komitiny Sampan̈a: Filankevipitantan̈ana mifidy antipan̈ahy telo farany vitsy, atao Komitiny Sampan̈a. Komity io man̈ambara Filankevipitatan̈ana raha momba asa ndreky raha mety manahiran̈a amy tany araiky io. Baka amy zen̈y ahaizany Filankevipitantan̈ana raha mety aboaka amy boky, koran̈iny amy fivorian̈a ndreky fivoriambe. Misy solonten̈any Filankevipitantan̈ana irahin̈y mamangy sampan̈a, man̈amia torohevitry ndreky mankahery iro an̈isany Komitiny Sampan̈a, baka asandro mandeha tsarabe. (Ohabolana 11:14) Isaka solonten̈any Filankevipitanta­n̈ana io mamangy, izy man̈ano kabaro baka amy Baiboly mankahery olo jiaby mipetraka amy sampan̈a amy faritry io.

Mikarakara fiangonan̈a jiaby amy tany araiky: Olo sasany amy birony sampan̈a io man̈eky fisiany fiangonan̈a vaovao. Sasany amindro io koa man̈aramaso asany pisava lalan̈a, misionera, ndreky iro piandraikitry faritry jiaby amy tany io. Iro koa mizaha lera an̈anovan̈a fivoriambe, fan̈amboaran̈a tran̈o fivorian̈a, ndreky man̈amia fan̈azavan̈a ten̈a ilainy fiangonan̈a amy tany io. Asa jiaby atao amy sampan̈a samy mampandeha tsara asa fitorian̈a aby.—1 Korintianina 14:33, 40.

• Karakory ma ataony Komitiny Sampan̈a miaraka miasa amy Filankevipitantan̈ana?

• Ino aby ma asa atao amy birony sampan̈a?