FANOMBOHAN̈A KORAN̈A
FIANARAN̈A 6
Masaky Mivolan̈a
Toro lalan̈a: “Nampiany Zan̈ahary hasaky hitory vaovao tsara taminaro fo zahay.”—1 Tes. 2:2.
Ino Raha Nataony Jesosy?
1. Zahava VIDEO, na vakia Lioka 19:1-7, baka io valia fan̈ontanian̈a aby ty:
Nan̈ino olo sasany tsy tia nan̈aton̈o Zakaiosy?
Ino raha nandrisiky Jesosy hitory vaovao tsara taminany, ndray tiô raha zen̈y?
Ino Raha Ianarantsika Baka amy Jesosy?
2. Atsika tokony hazoto hitory vaovao tsara momba Fanjakan̈any Zan̈ahary aminolo jiaby.
Aleva Tahaka Jesosy
3. Matokisa Jehovah. Fan̈ahiny Jehovah nan̈ampy Jesosy hitory, ke izio koa han̈ampy anao. (Mat. 10:19, 20; Lioka 4:18) Izikoa anao mavozo hitory aminolo sasany, mivavaha amy Jehovah, baka anao hasaky hitory amindro.—Asa. 4:29.
4. Aza meky mitsara olo. Mety hisalasala anao hikoran̈a aminolo sasany izikoa anao mahita sanjinany, plasinany amy fiarahamonin̈y, fomba fiain̈ananany, na fivavahan̈anany. Fa aza adin̈a:
Jehovah ndreky Jesosy fo mahay ny an̈aty jerinolo, fa tsy atsika.
Tsisy olo tsy vitany Jehovah man̈ampy izy.
5. Atsika ndray masaky mivolan̈a, mila mitandrin̈y ndreky man̈aja olo fo. (Mat. 10:16) Aza mimalo aminany. Izikoa hitanao fa izy tsy tihitandren̈y vaovao tsara na mety ho kafiry, ajanòna koran̈a.—Ohab. 17:14.