FOMBA FIAIN̈ANA KRISTIANIN̈Y
Anaro Tanora, Aza Mijijy Tamban̈a Miditry amy ‘Varavaran̈a Maventy’ Io
Misy mieritreritry fa raha ho tanora fo izy, baka io tsy hatoe foeky na tsy ho takany “andra mampiory” amy doniany Satana ty. (Mpto 12:1) Tanora ma anao? Asa anao mieritreritry fa tsy mahameky foeky tanjon̈o arapan̈ahy zen̈y, karaha ataony fanompoan̈a manontolo andra, fotony mbala lava andra iain̈ana?
“Samy mety ho voa raha amy fotoan̈a tsy ampoizin̈y” aby olo jiaby, an̈atinizen̈y tanora. (Mpto 9:11) ‘Tsisy olo mahay raha hiboaka amaray.’ (Jk 4:14) Ke aza mijijy tamban̈a koa fa hanakatra tanjon̈o arapan̈ahy. Midira amy ‘varavaran̈a maventy mibian̈a aminy asa io’, diany izio tsendriky mifody aminao. (1Ko 16:9) Tsy hanin̈enanao zen̈y!
Karazan̈a tanjon̈o mety takarin̈y:
Mitory aminolo mampiasa volan̈a hafa
Man̈ano pisava lalan̈a
Mandeha man̈ano sekoly arabaiboly
Man̈ano asa fan̈oren̈ana
Manompo amy Betela
Man̈ano asany faritry