Misy Vokany Tsara Fitondranten̈a Madio Ndreky Fan̈ajan̈a Lalin̈y

Matetiky fitondranten̈a tsara anan̈any man̈angy mahavy vadindro man̈eky fahamarin̈ana. Kanefa mety mila miaritry an̈atiny taon̈o maro koa iro. (1Pe 2:21-23; 3:1, 2) Izikoa anao mbala miaritry karaha zen̈y izioty, aza voly mandresy ny ratsy amy tsara. (Ro 12:21) Vadinao ndray tsy tia ikoran̈ana raha momba Jehovah, fitondranten̈a tsaranao mety hahavy izy han̈araka fahamarin̈ana fo afara an̈y.

Mifen̈a mizaha toetry tsarany vadinao. (Fi 2:3, 4) Mifen̈a han̈aboaka hatsarampan̈ahy ndreky fitiavan̈a, baka io ataova tsara andraikitrinao. Mahaiza mitandren̈y. (Jk 1:19) Miareta fo, baka io aboaha izy fa anao ten̈a tia izy. Ndray vadinao tsy tsara fan̈ahy aminao ndreky tsy man̈aja anao karaha ataonao aminany, anao hahatsiaro ho ravoravo fo fotony hainao fa misy valerany amy Jehovah anao koa tsy mivadiky.—1Pe 2:19, 20.

ZAHAVA VIDEO JEHOVAH MAN̈AMPY ATSIKA MITONDRA ENTAN̈ANTSIKA, BAKA IO VALIA FAN̈ONTANIAN̈A ABY TY:

• Nan̈ano karakory fiain̈anany Grace Li tamy somilany izy vo nanambady?

• Ino nahavy izy nanjary tia fahamarin̈ana?

• Akory nahavitany niaritry, tafarany batisanany?

• Ino raha nangatahiny Ranabavy Li tamy Jehovah momba vadiny?

• Ino aby hatsaran̈a nazony Ranabavy Li, baka taminizy tsara fitondranten̈a ndreky nan̈aja vadiny mare?