“Aria Zan̈ahary Tsy Izy”

Hainy Jakoba fa Jehovah fo mendriky hivavahan̈a, ndray Jehovah tsendriky nan̈amia lalàn̈a mivolan̈a fa tsy mety manompo sampy. (Ek 20:3-5) Ke tafarany Jehovah nivolan̈a taminany mila mipody ta Betela, Jakoba nivolan̈a taminolo jiaby niaraka taminany fa mila ariandro sampy jiaby tamindro. Ke nariany Jakoba sampy jiaby tamindro, an̈isanizen̈y kavin̈y mety fataondro aody fiambin̈y ain̈y. (Ge 35:1-4) Azo antoko fa namparavoravo Jehovah raha nataony Jakoba io.

Amy zioty, akory mety hanompoantsika Jehovah zaraiky fo? Mila ariantsika raha jiaby misy ifandraisany amy sampy, an̈atinizen̈y fangalan̈a diandian̈a misy ifandraisany amy fanompoan̈a sampy. Atsika mila man̈ontany ten̈a karaha ty: ‘Zaho ma tia mamaky boky na tia mizaha filma vampira, na horera, na lolo vokatra? Hitako tsy mampan̈ino ma fangalan̈a diandian̈a misy resaka mazy na fan̈ahy ratsy?’ Tokony hialantsika lavitry zay raha halany Jehovah.—Sl 97:10.

ZAHAVA VIDEO “TOHERA DEVOLY” BAKA IO APITRAHA AMY PAN̈ATRIKY FAN̈ONTANIAN̈A ABY TY:

• 

  Ino problemony Palesa, pianatra Baiboly in̈y?

• 

  Izikoa anao na olo hainao na olo ampianarinao Baiboly misy problemo momba fifandraisan̈a amy fan̈ahy ratsy, nan̈ino ten̈a fahendrena mangataka fan̈ampian̈a aminy antipan̈ahy?

• 

  Izikoa tiantsika hahazo fiarovany Jehovah, ino aby raha tsy maintsy hariantsika?

• Ino fanapahankevitriny Palesa?

• Amy tany misy anao, ino aby raha tsy tokony hatao, baka anao tsy ho voantsorindro demony aby io?