Asa Anao Mety Man̈amia Fotoan̈anao Ndreky Angovonao?

Tanteraka raha nambarany paminan̈y Isaia, fotony mandroso mare ampahany ambony tany amy fandaminan̈any Jehovah izioty. (Is 54:2) Dikanizen̈y, maro koa Tran̈o Fivorian̈a, Tran̈o Fan̈anovan̈a Fivoriambe ndreky tran̈ony sampan̈a mila hiasain̈y. Misy amindro io koa efa vita fa mbala mila kobabin̈y, avio sasany mila havaozin̈y. Ten̈a tombontsoa nintsika man̈amia Jehovah fotoan̈antsika ndreky angovontsika. Amy fomba akory aby mety han̈anovantsika zen̈y?

• Mety avy atsika, izikoa fa latorony andiampitory misy atsika man̈adio Tran̈o Fivorian̈a

• Atsika mety mikoran̈a aminy antipan̈ahy, izikoa tihan̈ano fampiofan̈ana momba fikobabian̈a Tran̈o Fivorian̈a

• Izikoa atsika tihan̈ano fan̈oren̈ana ndreky fikobabian̈a iro tran̈o aby io amy faritry misy atsika, mety mameno Fangatahana ho Mpiasa An-tsitrapo Manao Fanorenana eo Antoerana (DC-50)

• Izikoa ndraiky atsika man̈iry han̈ano asa antsitrapo an̈atiny herin̈iandra na mandilatra zen̈y amy Betela na amy tran̈ony sampan̈a, atsika mety mameno Fangatahana ho Mpiasa An-tsitrapo (A-19)

ALIFASA TAPANY AMY VIDEO TRAN̈O VAOVAO HAMBOARIN̈Y AVIO AN̈ONTANIA PAN̈ATRIKY:

• Ino ivolan̈ana fa mampiasa video mare atsika rango taminy 2014?

• Ino asa kasain̈y hatao, baka mahaimaro fo video haboakantsika, baka io ombian̈a izio mikomansy ndreky vita?

• Ino aby asa mety hataony piasa antsitrapo amizio?

• Izikoa tiantsika han̈ampy amy fan̈oren̈ana a Ramapo io, nan̈ino atsika mila mameno demandy (DC-50) ndreky mila miaraka miasa amy Sampandraharahany Fan̈oren̈ana Antoeran̈a?

• Ino porofo fa Jehovah ankitin̈y ‘mitariky’ asa io?

• Ino raha mety ataontsika hanohan̈ana asa io, ndray atsika tsy afaka handeha han̈ano izio an̈y?