Ampianara Fitsipikiny Jehovah Zanakanaro

Amy donia ty, raha ratsy atao tsara, fa raha tsara atao ratsy. (Is 5:20) Mampalahelo fa olo sasany man̈ano raha halany Jehovah, ohatra olo samy lelahy na samy man̈angy mifanambady. Iro tsaiky a lekoly an̈y ndreky kamaradiny zanakantsika aby io koa mitaon̈o iro han̈araka raha ratsy ataondro. Akory hataonaro han̈oman̈a zanakanaro hahavita hiatriky raha karaha zen̈y?

Ampianara zanakanaro baka hahay fitsipikiny Jehovah. (Le 18:3) Ampianara iro arakaraka taon̈ondro ino raha koran̈iny Baiboly momba firaisan̈a. (De 6:7) Man̈ontania ten̈a: ‘Efa nampianariko zanako ma karakory ten̈a fitiavan̈a zen̈y, nan̈ino iro tokony han̈ano lamba mendriky fo, avio nan̈ino olo mila man̈aja safidindro? Izikoa misy olo man̈aboaka iro sary vetaveta na mitaon̈o iro han̈ano raha halany Jehovah, efa haindro ma raha tokony hatao?’ Izikoa fa nampianarin̈y iro tsialohaloha raha jiaby zen̈y, hiaro iro amy problemo maro raha zen̈y. (Oh 27:12; Mpto 7:12) Anaro koa mampianatra zanakanaro, haboakanaro fa anaro mankasitraka Jehovah nan̈amia lovanaro io.—Sl 127:3.

ZAHAVA VIDEO MAN̈OREN̈A TRAN̈O TSY MORA RONGANA—AMPIANARA HIARO TEN̈A ZANAKANAO, AVIO TADIAVA VALINY FAN̈ONTANIAN̈A ABY TY:

• 

  Nan̈ino olo sasany tsy masaky mikoran̈a amy zanakandro raha momba firaisan̈a?

• 

  Nan̈ino raimandreny mila mampiofan̈a zanakandro mifan̈araka amy “fan̈anaran̈a ndreky fisain̈any Jehovah”?—Ef 6:4

• 

  Ino aby fitaovan̈a amiany fandaminan̈any Jehovah han̈ampian̈a raimandreny hampianatra zanakandro raha momba firaisan̈a?—w19.05 12, efajoro

• Nan̈ino ma anaro raimandreny tokony hikoran̈a tsy tapaka amy zanakanaro rango iro mbala tsisy problemo?