Hitanao Mamaly Vavakanao ma Jehovah?

Amy Baiboly ao feno vavakanolo nivaliany Jehovah. Lera panompony Jehovah mahita akory fomba nitandrin̈esany vavakanany manokan̈a ndreky fomba nan̈ampiany izy, loso mahaimatanjaka fo finoan̈anany. Dikanizen̈y, ten̈a tsara izikoa atsika man̈ano vavaka voafaritry tsara ndreky mifen̈y mangala onon̈o fomba amaliany Jehovah vavakantsika. Aza adin̈a koa fa mety tsy arakarakany raha angatahintsika valimbavaka azontsika, na izy aby mety mandilatrany raha nangatahintsika. (2Ko 12:7-9; Ef 3:20) Ino aby valimbavaka mety ho azontsika baka amy Jehovah?

• Mahazo angovo arabatan̈a, arapihetsehampo, na arapan̈ahy indesintsika miatriky problemo.​—Fi 4:13

• Mahazo fahendrena hindesin̈y mangala fanapahankevitry tsara.​—Jk 1:5

• Man̈iry ndreky manan̈a angovo han̈anaovan̈a sitraponany.​—Fi 2:13

• Milamintsain̈y lera misy raha mampiasaloha. ​—Fi 4:6, 7

• Mahazo fanohan̈ana arabatan̈a na arapihetsehampo baka aminolo hafa.​—1Jn 3:17, 18

• Mahazo fan̈n̈ampian̈a iro olo niton̈onintsika tamy vavaka.​—As 12:5, 11

ZAHAVA VIDEO JEHOVAH IO “PITANDREN̈Y VAVAKA” AVIO TADIAVA VALINY FAN̈ONTANIAN̈A ABY TY:

• Nan̈ino fian̈anany Rahalahy Shimizu ten̈a mankahery anao izikoa voafetra raha mety vitanao amy fanompoan̈a, fotony anao tsy salama?

• Akory azontsika hangalan̈a tahaka ohatrany Rahalahy Shimizu?