Fizaran̈a 8

Zay Raha Nambaran’ny Baiboly Tanteraka Aby

Baiboly mikoran̈a raha efa lôso, ndreky raha mbala ho avy. Tsisy olo mahavita man̈ambara raha mbala ho avy. Zen̈y ivolan̈ana fa Baiboly boaka amy Zan̈ahary. Ino aby raha mbala ho avy koran̈in’ny Baiboly?

Izio mikoran̈a ady araiky hataon’ny Zan̈ahary. Amy zen̈y, Zan̈ahary han̈adoso olo ratsy fan̈ahy ndreky raha ratsy jiaby ambony tany, fa hamonjy olo manompo Izy. Jesosy Kristy, ampanjaka nifidin’ny Zan̈ahary, han̈ano raha, beky olon’ny Zan̈ahary ravoravo, sambatra ndreky hiadan̈a. Irô amy zen̈y fa tsy harary na hofoaty eky.

Mamparavoravo atsika mahay fa Zan̈ahary han̈ano tany ty paradisa, tsy zen̈y? Atsika fo mila man̈ano raha izikoa ti hipetraka amy paradisa. Amy tantara farany amy boky ty, atsika hianatra ino raha tôkony hatao, beky mahazo raha maro tsara hataon’ny Zan̈ahary amin’olo manompo izy. Ke vakia Fizaran̈a FAHAVALO ty, fa ho hitanao raha jiaby ambaran’ny Baiboly mikasiky raha mbala ho avy aby zen̈y.