Ino ma tôkony hataonao?

50 Ty ho velogno tsisy farany amy zegny paradisa maharavoravo zegny ma anao?

Mianara tsara raha volagnin’ny Zagnahary. Mifaigna mianatra mamaky Baiboly.—Jaona 17:3; Apokalypsy 1:3

51 Mianara tsara mikasiky Jesosy.—Deoteronomia 18:18, 19; Jaona 3:16; Asan’ny Apostoly 3:19-23

52 Mifaigna hagnano raha tsara fo ndraiky hagnaraka volagna Jehovah.—Romana 6:17, 18, 22

53 Alaiva onogno, nivolagna Jehovah fa tsy mahazo mamono olo atsika.—Eksodosy 20:13; 1 Jaona 3:11, 12

54 Tsy mahazo mangala rahan’olo atsika.—Eksodosy 20:15; Efesiana 4:28

55 Tsy tôkony hiaraka hiaigny, ndraiky fandriagna araiky amy magnangy araiky lelahy araiky, izikoa tsy vita mariazy irô.—Eksodosy 20:14, 17; 1 Tesaloniana 4:3

56 Azonao onogno ma firy vady ambelan-Jagnahary hanagnan’ny lelahy araiky? Zisk’imbiagna lelahy tôkony hijanogno miaraka amy vadiny?—Genesisy 2:22, 24; Matio 19:5, 6; 1 Korintiana 7:2, 10, 11

57 Alaiva onogno koa fa Jehovah zaraiky fo tôkony hitompoetsika.—Matio 4:10; 1 Korintiana 8:6

58 Tsy afaka magnampy atsika sampy ndraiky sary. Nagnino?—1 Korintiana 8:7

Tsara ma managna sampy?—Deoteronomia 27:15; 1 Jaona 5:21

59 Nagnino ma ratsy mitana ndraiky mampiasa aody?—Deoteronomia 18:10-13; Apokalypsy 21:8

60 Nanohitry Zagnahary irô anjely ratsy, na demony. Mampiasa moasy magnambara raha mbala ho avy irô beky hamitahagna olombelogno.—Asan’ny Apostoly 16:16

61 Tsy maintsy mivavaka amy Zagnahary atsika. Dikan’ny mivavaka zegny: mikoragna amy Zagnahary, mivolagna aminany fa ty hanompo izy atsika, boaka iô mangataka fagnampiany.—Filipiana 4:6, 7

62 Tsy maintsy magnaraka volagna Jesosy atsika, boaka iô mino izy.—Hebreo 5:9; Jaona 3:16

63 Alaiva onogno fa maty beky hamonjy atsika izy.—Romana 5:8

64 Alaiva onogno fa Mpanjakatsika tsy hita maso Jesosy. Tôkony hagnaraka volagnanany atsika.—Filipiana 2:9-11; Apokalypsy 19:16

65 Nivolagna Jesosy fa tôkony hikoragninao amy hafa raha tsara ianaranao. Nivolagna koa izy fa irô ty hanompo Zagnahary tôkony hatao batisa.—Matio 28:19, 20; Jaona 4:7-15

66 Kaila azonao koragnina amy namanao regny raha tsara regny.—Matio 10:32

67 Izikoa mianatra mamaky teny tsara anao, ho afaka hianatra raha maro ndraiky hahay hagnampy olo hafa tsarabe.—2 Timoty 2:15

68 Nampianatra tsaiky madiniky koa Jesosy beky hagnaraka volagna Zagnahary. Ndray sahiragna be izy, mbala afaka nikoragna tamin-drô fo.—Matio 19:13-15

69 Ray aman-dreny tôkony hampianatra zanany fo beky hagnaraka volagna Zagnahary ndraiky ho tia izy.—Deoteronomia 6:6, 7; Ohabolana 6:20-22; Efesiana 6:4

70 Misy leglizy maro samby hafa. Maro amy fampianaragnan-drô regny tsy avy amy Baiboly ao. Mivolagna amitsika Jehovah beky hiala amy finoagna tsy mampianatra raha marigny.—Apokalypsy 18:4; Jaona 4:23, 24

71 Managna olo eto an-tany Jehovah, aviô irô afaka mampianatra anao ankitigny mikasiky izy. Mba hainao ma azôvy irô io?—Asan’ny Apostoly 15:14; Romana 10:14, 15

72 Vavolombelogn’i Jehovah. Mihavagna tsara irô. Hainao ma nagnino? Fôtony mifankatia irô.—Isaia 43:10-12; Jaona 13:34, 35

73 Natao batisa irô, fôtony tia Jehovah koa irô. Amy zegny ampiboahan-drô amin’olo maro fa niala tamy fômba fiaignan-drô ratsy irô. Boaka iô tiandrô hanompoagna Zagnahary fiaignanan-drô.—Asan’ny Apostoly 2:41

74 Vavolombelogn’i Jehovah magnantena hiaigny ao amy paradisa vaovao maharavoravo.—Salamo 37:9-11, 29

Ino fômba atao beky hiaignana ao, miaraka amin-drô?—Jakoba 1:22, 25; 2:20-26

75 Miaraha amin-drô mianatra manompo Jehovah. Tia, boaka iô magnaraka volagna Jehovah ndraiky Jesosy Kristy irô. Anao ma tia Jehovah ndraiky Jesosy koa? Tianao ma hagnampy olo hafa hahay mikasiky Zagnahary?—Jaona 6:45-47

76 Tia anao Jehovah ndraiky Kristy Jesosy, boaka iô magniry hiaignanao tsisy farany ao amy paradisa.—Jaona 3:16

Azo antoko fa nanjary ty hiravoravo amy fiaignana tsisy farany eto an-tany anao, fôtony nianaranao avy tamin-drô sary ndraiky fagnazavagna tato am’ity bokihely ity zegny. Izikoa ty hianatra tsara mikasiky zegny anao, ambaranay hevitry beky hikoragna amy Vavolombelogn’i Jehovah araiky iô an-toeragna. Azonao atao koa ny manôratra, na mangataka olo hanôratra ninao agny amy birô marikitry ny tany misy anao, karaha adiresy ao amy pazy faharoe am’ity bokihely ity.