Akory Nampisy Raha Jiaby?

Fahin̈ana io baka amy Zan̈ahary. (Salamo 36:9) Asa ikenao raha zen̈y? Olo sasany tsy mino fa Zan̈ahary namoron̈o raha jiaby. Izikoa marin̈y zen̈y, dikanizen̈y raha jiaby navinavy hoazy. Fa izikoa ndraiky Zan̈ahary niasa raha jiaby, tsy maintsy nisy dikany nan̈anovany izio, sa karakory?a Diniha raha koran̈iny Baiboly momba zen̈y, avio diniha koa antony mahavy atsika man̈eky fa marin̈y raha zen̈y.

1. Akory nisiany raha jiaby?

Ho Baiboly: “Tamy voanalohany tan̈y, Zan̈ahary namoron̈o lan̈itry ndreky tany.” (Genesisy 1:1) Maro amindro siantifiky aby io man̈eky fa raha jiaby io nisy namoron̈o. Karakory ma nataony Zan̈ahary namoron̈o raha jiaby, an̈atinizen̈y vahindan̈itry, lakintan̈a ndreky planety? Izy nampiasa angovonany, tsy ino zen̈y fa fan̈ahy masin̈inany.​—Genesisy 1:2.

2. Nan̈ino Zan̈ahary namoron̈o tany?

“Tsy raha tsisy antony niasany izio [tany ty], fa nataony hipitrahanolo.” (Isaia 45:18) Nataony tsara oe tany ipitrahantsika ty, avio izio nataony ipitrahan̈a mandrakizay. (Vakia Isaia 40:28; 42:5.) Iro siantifiky aby io man̈eky fa tany ty ten̈a planety miavaka amy planety jiaby. Izity zaraiky fo planety mety ipitrahanolo.

3. Ino raha tsy mampiran̈a atsika amindro biby aby io?

Jehovah koa fa baka namoron̈o tany, izy namoron̈o raha misy fahin̈ana. Izy antsendriky nan̈ano raha maro naniry ndreky biby maro. Avio aminjay “Zan̈ahary namoron̈o olo mira sora aminany.” (Vakia Genesisy 1:27.) Nan̈ino ma ten̈a miavaka nan̈amboarany atsika? Fotony atsika nataony mira sora aminany, dikanizen̈y atsika mety mangala tahaka toetrinany, karaha ataony fitiavan̈a ndreky rariny. Atsika mahavita mianatra volan̈a hafa, mahay tia raha tsara, ndreky tia lamoziky. Avio atsika tsy mira iro biby aby io, fotony atsika niforon̈iny hivavaka amy Pamoron̈o atsika.

ALEVA ONON̈O

Diniha porofo ahitan̈a fa ten̈a marin̈y ankitin̈y famoron̈ana koran̈iny Baiboly. Zahava ino toetriny Zan̈ahary ianarantsika baka amy toetrinolombelon̈o.

4. Raha jiaby io niforon̈iny

Olombelon̈o mahazo voninahitry baka amy raha vitandro, kanefa iro mangala tahaka raha niforon̈iny Zan̈ahary fo. Ke azovy namoron̈o raha nalaindro tahaka io, ke ten̈a tokony hamian̈a voninahitry? Alifasa VIDEO io, avio iaraha dinihin̈y fan̈ontanian̈a ambany io.

VIDEO: Fisiany Zan̈ahary (2:43)

• Ino raha niasainy Zan̈ahary nalainolo tahaka?

Tran̈o jiaby tsy maintsy nisy olo fo niasa izy. Azovy fo basy niasa raha jiaby? Vakia Hebreo 3:4, avio iaraha dinihin̈y fan̈ontanian̈a aby ty:

• Ino raha niasainy Zan̈ahary ten̈a mahavarian̈a anao?

• Nan̈ino tsy diso atsika koa man̈eky fa raha jiaby io nisy namoron̈o?

Asa mba hainao?

Misy lahatsoratra maro ndreky video maro momba izio koa amy lahatsoratra mitohitohy “Nisy Namoron̈o ma Izio?” ndreky “Hevitrinolo Momba Fisiany Fiain̈an̈a.”

“Mazava ho azy fa tran̈o jiaby tsy maintsy nisy olo niasa izy, fa raha jiaby ndraiky, Zan̈ahary niasa izy”

5. Marin̈y tantarany Baiboly momba famoron̈ana

VIDEO: Karakory Nampisy Raha Jiaby?​—Tapany (3:51)

• Andrany famoron̈ana tsiaraikiaraiky koran̈iny Baiboly io ma andra araiky 24 lera?

• Asa ikenao sa tsy ikenao tantarany Baiboly momba famoron̈ana? Nan̈ino?

Vakia Genesisy 1:1, avio iaraha dinihin̈y fan̈ontanian̈a ambany io:

• Maro amindro siantifiky aby io mivolan̈a fa raha jiaby io niforon̈iny. Fahitanao izy, mifan̈araka amy raha nivakinao tamy Baiboly tio ma raha volan̈indro zen̈y?

Misy olo misalasala tso baka aminy evolision niasany Zan̈ahary raha jiaby. Vakia Genesisy 1:21, 25, 27, avio iaraha dinihin̈y fan̈ontanian̈a aby ty:

• Izio ma Baiboly mampianatra fa Zan̈ahary niasa raha araiky, avio izin̈y niova biby, avio niova olo? Sa Baiboly mampianatra fa Zan̈ahary namoron̈o raha manampahin̈ana “isankarazany”?

6. Nataony Zan̈ahary niavaka olombelon̈o

Atsika tsy nataony Jehovah karaha iro biby aby niasainy. Vakia Genesisy 1:26, avio iaraha dinihin̈y fan̈ontanian̈a ty:

• Ino mahavy atsika tia olo ndreky mahinakinaka olo?

INO RAHA NIANARANAO TATO?

Jehovah niasa raha jiaby.

Fan̈ontanian̈a Fameren̈ana

• Izikoa raha ampianariny Baiboly zahan̈a, karakory nampisy raha jiaby?

• Zan̈ahary ma niasa raha araiky, avio izin̈y niova raha manampahin̈ana isankarazany sa izy namoron̈o raha jiaby?

• Ino tsy mampiran̈a olo ndreky biby?

ZAHAVA

Zahava ino zavaboary ahitan̈a fa misy ankitin̈y Zan̈ahary niasa iro io.

“Ino Raha Ianarantsika Baka amy Zavaboary?” (Mifohaza! Septambra 2006)

Zahava babany tsaiky araiky man̈azava amy zanany raha nataony Zan̈ahary taminizy niasa raha jiaby.

“Jehovah ... Niasa Raha Jiaby” (2:37)

Diniha asa mifan̈araka amy Baiboly fampianaran̈a momba evolision.

“Baka Taminy Evolision ma Namoron̈any Zan̈ahary Raha Manan̈ain̈y Isankarazany?” (Lahatsoratra aminy Internet)

Diniha asa iro taotaolan̈a efa ela hitandro manampahaizan̈a aby io ndreky fandinihan̈a nataondro siantifiky aby io man̈ambara fa niforon̈iny raha jiaby sa navinavy hoazy.

Karakory ma Nampisy Atsika? Fan̈ontanian̈a Dimy Mila Dinihin̈y (bokikely)