LESON 25
Ino ma Fikasan̈any Zan̈ahary Amintsika?
Baiboly man̈ambara fa ‘fohiky sady feno raha manahiran̈a’ fiain̈ananolo. (Joba 14:1) Karaha ty ma fiain̈ana tiany Zan̈ahary hiain̈antsika? Izikoa tsy zen̈y, ino fo basy fikasan̈anany amintsika? Raha mbala ho tanteraka ma fikasan̈anany zen̈y? Zahava valiny mankahery amiany Baiboly.
1. Karakory ma fiain̈ana tiany Jehovah hiain̈antsika?
Fiain̈ana ten̈a tsara tiany Jehovah hiain̈antsika. Taminizy namoron̈o olombelon̈o voanalohany, Adama ndreky Eva, iro napetrany tamy Paradisa tsara, zaridain̈y Edena. “Zan̈ahary nitsodrano iro karaha ty: ‘Irarian̈a anaro hanan̈a taranaka, ho maro, baka tany ty ho feno olo. Anaro hamehy tany ty.’” (Genesisy 1:28) Tiany Jehovah iro hiteraka maro, avio iro ndreky taranakandro han̈ova tany jiaby ty hanjary paradisa, ndreky hikarakara biby. Tiany koa olo jiaby ambony tany eto tsy harary foeky ke hiain̈y tsisy farany.
Ndray tsy tanteraka fikasan̈any Zan̈ahary,a mbala tsy niova izio. (Isaia 46:10, 11) Mbala tiany ho sambatra mandrakizay fo olombelon̈o man̈araka volan̈anany.—Vakia Apokalypsy 21:3, 4.
2. Akory hanan̈antsika fiain̈ana misy dikany rango izioty?
Jehovah koa fa niasa atsika, nataony hanan̈a fan̈irian̈a hianatra momba izy ndreky hanompo izy atsika. (Vakia Matio 5:3-6.) Tiany atsika hifandray marikitry aminany, “handeha amy lalan̈anany, ho tia izy,” ndreky hanompo izy “amy fontsika jiaby.” (Deoteronomia 10:12; Salamo 25:14) Atsika koa man̈ano zen̈y, atsika ho sambatra ankitin̈y, ndray mbala tsy afaka problemontsika. Atsika koa manompo Jehovah, hisy dikany fiain̈anantsika, fotony haintsika karakory fomba fiain̈ana tiany hanan̈antsika.
ALEVA ONON̈O
Zahava fa ten̈a be fitiavan̈a Jehovah izikoa fa nan̈amboatra tany ipitrahantsika ty, avio zahava amy Baiboly koa ino antony niasany Zan̈ahary atsika.
3. Ten̈a tsara fikasan̈any Zan̈ahary momba olombelon̈o
Alifasa VIDEO io, avio iaraha dinihin̈y fan̈ontanian̈a ambany io.
Nan̈ino ma Zan̈ahary niasa tany tsarabe ty?
Vakia Mpitoriteny 3:11, avio iaraha dinihin̈y fan̈ontanian̈a ty:
Ino raha ianaranao momba Jehovah baka amy zen̈y?
4. Tsy niova fikasan̈any Jehovah
Vakia Salamo 37:11, 29 ndreky Isaia 55:11, avio iaraha dinihin̈y fan̈ontanian̈a ambany io.
Akory hahaizantsika fa mbala tsy niova fikasan̈any Jehovah?
Mira tran̈o robaka mety amboarin̈y tany ty. Vitany Zan̈ahary han̈amboatra izio, han̈apitrahany olo tia izy
5. Fanompoan̈a Jehovah io mampisy dikany fiain̈anantsika
Mety hampasambatra atsika fahaizantsika dikany niasany Jehovah atsika. Alifasa VIDEO io, avio iaraha dinihin̈y fan̈ontanian̈a ambany io.
Ino hatsaran̈a nazony Terumi izy koa fa nahay dikany niasany Zan̈ahary izy?
Vakia Mpitoriteny 12:13, avio iaraha dinihin̈y fan̈ontanian̈a ty:
Jehovah nahavita be tamintsika, ke akory an̈aboahantsika fa atsika mankasitraka raha zen̈y?
IZIKOA MISY OLO MAN̈ONTANY ANAO: “Ino ma dikany niasany Zan̈ahary atsika?”
Akory ho anao aminany?
INO RAHA NIANARANAO TATO?
Tiany Jehovah atsika ho ravoravo hiain̈y tsisy farany ambony tany eto. Hisy dikany tsarabe fiain̈anantsika rango izioty, izikoa atsika manompo izy amy fontsika jiaby.
Fan̈ontanian̈a Fameren̈ana
Ino ma fikasan̈any Jehovah, izy koa fa namoron̈o Adama ndreky Eva?
Akory ahaizantsika fa mbala tsy niova fikasan̈any Jehovah momba olombelon̈o?
Akory mety hampisy dikany fiain̈ananao?
ZAHAVA
Diniha nan̈ino atsika matoky fa efa navy nisy ankitin̈y zaridain̈y Edena zen̈y.
“Zaridain̈y Edena io ma Angano sa Ten̈a Nisy?” (Tilikambo Fiambesan̈a 1 Zanvie 2011)
Nan̈ino atsika matoky fa tany ty tsy ho potiky?
Zahava amy Baiboly akory hampisy dikany fiain̈ananao.
“Ino ma Antony Ivilomantsika?” (Lahatsoratra aminy Internet)
Zahava lelahy araiky nieritreritry fa efa tsisy raha mampijaly izy, kanefa hitany fa mbala nisy raha maventy manky tamy fiain̈ananany.
a Amy leson man̈araka, ho hitantsika nan̈ino atsika mijaly.