Akory Hahaizan̈a Ten̈a Kristianin̈y?

Maro olo mivolan̈a iro Kristianin̈y, kanefa iro samby amy raha inoany ndreky samby amy fitsipiky arehandro. Ke karakory hahaizan̈a ten̈a Kristianin̈y?

1. Ino ma dikany Kristianin̈y zen̈y?

Iro io olo pianatrany Jesosy, man̈aradia izy. (Vakia Asan’ny Apostoly 11:26.) Ino porofo fa iro ten̈a pianatrany Jesosy ankitin̈y? Ho Jesosy: “Pianatranaka ankitin̈y anaro, izikoa tsy miala amy volan̈anaka.” (Jaona 8:31) Dikanizen̈y, olo ten̈a Kristianin̈y tsy maintsy man̈araka raha nampianariny Jesosy. Niorin̈y tamy Soratra Masin̈y raha jiaby nampianariny Jesosy. Tokony hiorin̈y amy Soratra Masin̈y koa raha jiaby inoany ten̈a Kristianin̈y.​—Vakia Lioka 24:27.

2. Akory han̈aboahany ten̈a Kristianin̈y fa iro mifankatia?

Jesosy nivolan̈a tamy pianatranany aby io: “Anaro mifankatiava, karaha nitiavako anaro.” (Jaona 15:12) Akory ma nan̈aboahany Jesosy fitiavany pianatranany aby io? Izy nandany lera niaraka tamindro, nankahery iro, ndreky nan̈ampy iro. Firaka ain̈inany mbala namiany iro. (1 Jaona 3:16) Ten̈a Kristianin̈y izioty koa mifankatia karaha zen̈y. Tsy amy vava fo an̈aboahandro zen̈y fa amy raha ataondro koa.

3. Ino asa ataonolo ten̈a pan̈aradia Kristy?

Jesosy nan̈amia asa iro pianatranany aby io. “Iro nirahiny hitory vaovao tsarany Fanjakan̈any Zan̈ahary.” (Lioka 9:2) Iro Kristianin̈y taloha tan̈y nitory, tsy tamy tany fivavahandro fo fa tamy tany maro olo ndreky tantran̈onolo koa. (Vakia Asan’ny Apostoly 5:42; 17:17.) Ten̈a Kristianin̈y aminy andra izioty koa mitory aminolo ny marin̈y ambarany Baiboly, amy zay tany ahitandro olo. Iro tia olo. Ke ravoravo iro mampiasa fotoan̈andro ndreky angovondro, hizaran̈a hafatra mampisy fan̈antinan̈a ndreky mankahery olo, ambarany Baiboly.​—Marka 12:31.

ALEVA ONON̈O

4. Amy Baiboly iro mitady ny marin̈y

Tsy olo jiaby miaboko Kristianin̈y man̈araka raha koran̈iny Baiboly. Alifasa VIDEO io, avio iaraha dinihin̈y fan̈ontanian̈a ambany io.

VIDEO: Ino aby Raha Nandrobaka Fivavahan̈a Kristianin̈y? (5:11)

• Akory ataondro fivavahan̈a miaboko Kristianin̈y aby io misakana olo tsy hahay ny marin̈y nampianariny Jesosy?

Jesosy nampianatra ny marin̈y baka amy Baiboly. Vakia Jaona 18:37, avio iaraha dinihin̈y fan̈ontanian̈a ty:

• Izikoa volan̈a Jesosy zahan̈a, akory hahaizan̈a iro Kristianin̈y “milampy amy fahamarin̈ana” io?

5. Iro man̈ambara aminolo ny marin̈y amy Baiboly

Talohany Jesosy nanonga tandan̈itry, nisy asa nan̈irahany iro pianatranany aby io. Mbala mitohy firaka izioty asa io. Vakia Matio 28:19, 20 ndreky Asan’ny Apostoly 1:8, avio iaraha dinihin̈y fan̈ontanian̈a ty:

• Firaka aia ma han̈anovan̈a asa fitorian̈a io?

6. Iain̈andro raha koran̈indro aminolo

Ino ma raha nahavy Tom nivolan̈a fa izy nahay azovy ten̈a Kristianin̈y? Alifasa VIDEO io, avio iaraha dinihin̈y fan̈ontanian̈a aby ambany io.

VIDEO: Empaka Zaho amy Fivavahan̈a (5:20)

• Tamy video in̈y, ino raha nahavy Tom empaka tamy fivavahan̈a?

• Ino nahavy izy resy lahatra fa izy nahay azovy ten̈a Kristianin̈y?

Asa ten̈a mikonty fa tsy kabaro. Vakia Matio 7:21, avio iaraha dinihin̈y fan̈ontanian̈a ty:

• Ino ma raha tiany Jesosy hataontsika: Atsika miaboko mino izy sa atsika man̈aboaka fa ten̈a mino izy?

7. Iro mifankatia

Iro Kristianin̈y aby io ma nahavita nirisiky fahin̈anandro namonjian̈a namandro? Alifasa VIDEO io, avio iaraha dinihin̈y fan̈ontanian̈a ambany io.

VIDEO: Izy Nahatindry Ain̈inany Han̈avotan̈a Namany (2:55)

• Tamy video tio in̈y, ino nandrisiky Lloyd nasaky niaro Rahalahy Johansson?

• Fahitanao izy, tsy karaha zen̈y ma tokony hataony ten̈a Kristianin̈y?

• Akory tokony hataony pianatrany Jesosy aminolo tsy karazan̈a araiky amindro na tsy mitovy firenena amindro?

• Karakory tokony hataondro izikoa misy lagera?

INO RAHA NIANARANAO TATO?

Ten̈a Kristianin̈y man̈araka raha ampianariny Baiboly, man̈aboaka fitiavan̈a tsy mitady valiny ndreky man̈ambara fahamarin̈ana amy Baiboly.

Fan̈ontanian̈a Fameren̈ana

• Miorin̈y aminino ma raha inoany ten̈a Kristianin̈y?

• Ino toetry ahaizan̈a ten̈a Kristianin̈y?

• Ino asa ataony ten̈a Kristianin̈y?

ZAHAVA

Diniha iro olo aby mifen̈y erakany vitandro man̈araka raha nampianariny Jesosy ndreky raha nataony.

Azovy ma Zahay Vavolombelon̈o Jehovah? (1:13)

Zahava akory nataony masera araiky nitady “ten̈a fianakavian̈anany arapan̈ahy.”

“Nivalindro Tamy Baiboly Fan̈ontanian̈anaka Jiaby!” (Tilikambo Fiambesan̈a 1 Avrily 2014)

Aleva onon̈o akory ataony ten̈a Kristianin̈y man̈aboaka fitiavandro namandro izikoa fa misy antambo.

Fan̈ampian̈a iro Rahalahintsika aby io Izikoa fa Misy Antambo​—Tapany (3:57)

Diniha karakory nataondro Kristianin̈y taloha tan̈y ndreky iro ten̈a Kristianin̈y izioty man̈araka raha nivolan̈iny Jesosy fa hahaizan̈a pan̈aradia izy.

“Ino aby Raha Hahaizan̈a Ten̈a Kristianin̈y?” (Tilikambo Fiambesan̈a 1 Marsy 2012)