LESON 29

Man̈ano Karakory ma Olo koa fa Maty?

Atao Mira Sary

Azo antoko fa efa nisy havanao naty. Ten̈a tsy mora raha zen̈y, ke anao mety tafieritreritry karaha ty: ‘Man̈ano karakory ma olo koa fa maty? Atsika ma mbala mety hahita iro in̈y?’ Amy fianaran̈a ty ndreky araiky man̈araka, zahava valiny mankahery amy Baiboly.

1. Man̈ano karakory ma olo koa fa maty?

Nampitoviziny Jesosy aminolo mandry olo koa fa maty. Olo mandry tsy mahay raha ataonolo marikitry izy foeky. Karaha zen̈y koa olo koa fa maty, tsy maharen̈y marary eky sady tsy mijaly eky. Volan̈iny Baiboly, “olo maty tsisy raha hainy.”—Vakia Mpitoriteny 9:5.

2. Ino mahatsara atsika mahay ny marin̈y momba olo maty?

Maro olo mavozo maty ndreky mavozo olo maty. Fa hankahery anao raha koran̈iny Baiboly momba olo maty. Ho Jesosy: “Ny marin̈y io hankafaka anaro.” (Jaona 8:32) Baiboly tsy mampianatra fan̈ahy tsy maty zen̈y, kanefa fivavahan̈a sasany mampianatra zen̈y. Olo maty efa tsy mijaly eky. Ke atsika tsy mila man̈ano raha hanompoan̈a iro, fotony efa tsisy raha vitandro amintsika eky. Atsika tsy mila mivavaka nindro.

Olo sasany mivolan̈a fa iro mahavita mikoran̈a aminolo maty. Tsy marin̈y foeky zen̈y. Efa nianarantsika fa olo maty “tsisy raha hainy eky.” Ny marin̈y aminany, iro demony aby io ikoran̈andro olo aby io fa tsy olo maty. Iro demony aby io fo miaboko olo maty io. Ke fahaizantsika ny marin̈y momba olo maty io miaro atsika tsy ho voafandrikindro demony aby io. Ampitandreminy Jehovah atsika baka tsy hifandray aminolo maty, fotony hainy fa tsy hahatsara atsika mifandray amindro demony aby io.—Vakia Deoteronomia 18:10-12.

ALEVA ONON̈O

Zahava raha ampianariny Baiboly momba olo maty, avio ankafatara finoan̈anao fa Zan̈ahary be fitiavan̈a io tsy man̈asazy olo maty amy motrobe zen̈y.

Lelahy araiky ndreky zanany aroe mipetraka amy sezy. Handeha handevin̈y vadiny iro io, ke misy olo maromaro mankahery iro.

3. Zahava man̈ano karakory marin̈y olo koa fa maty

Amy tany maro, tsy mitovy raha inoanolo momba olo maty. Mazava ho azy fa tsy raha jiaby inoandro io marin̈y.

Izikoa farin̈esanao raha volan̈inolo, man̈ano karakory ma olo koa fa maty?

Koa tianao hita raha koran̈iny Baiboly momba zen̈y, alifasa VIDEO io.

VIDEO: Man̈ano Karakory ma Olo koa fa Maty?—Tapany (1:19)

Sary: Sary amy video ‘Man̈ano Karakory ma Olo koa fa Maty?—Tapany.’ 1. Sarinolo miampatra an̈abo fandrian̈any lopitaly. 2. Lelahy araiky mandry mare an̈atiny train.

Vakia Mpitoriteny 3:20, avio iaraha dinihin̈y fan̈ontanian̈a aby ty:

Izikoa andininy io zahan̈a, man̈ano karakory olo koa fa maty?
Olo koa fa maty, mbala misy raha tsy maty ma aminany?

Baiboly mitantara momba Lazarosy naty. Izy kamaradibeny Jesosy. Vakia Jaona 11:11-14, ke aleva onon̈o raha nivolan̈iny Jesosy tamy Lazarosy naty in̈y. Avio iaraha dinihin̈y fan̈ontanian̈a aby ty:

Nampitoviziny Jesosy taminino fahafatesan̈a io?
Izikoa zen̈y zahan̈a, man̈ano karakory olo koa fa maty?
Ikenao ma raha volan̈iny Baiboly momba olo maty?

4. Mahatsara atsika mahay ny marin̈y momba olo maty

Tsy havozo olo maty atsika koa mahay ny marin̈y momba olo maty. Vakia Mpitoriteny 9:10, avio iaraha dinihin̈y fan̈ontanian̈a ty:

Olo maty ma mbala mahavita mampijaly atsika?

Vandy fo olo maty mila tompoen̈y zen̈y. Ke atsika koa mahay ny marin̈y, atsika tsy hanompo olo maty. Vakia Isaia 8:19 ndreky Apokalypsy 4:11, avio iaraha dinihin̈y fan̈ontanian̈a ty:

Akory fahitany Jehovah olo manompo olo maty ndreky mangataka fitahian̈a amy razan̈a?

Sary: Fanompoan̈a razan̈a. 1. Lelahy araiky mandongaliky manoloan̈a fasan̈a, mivavaka avio man̈atitry hanin̈inolo maty io. 2. Lelahy telo man̈ano tsinjaka han̈amezan̈a voninahitry olo maty. 3. Olo maro man̈ano karnavaly amy fetinolo maty. — Fahaizan̈a ny marin̈y momba olo maty io mahavy atsika tsy andivoziny fomba tsy mamparavoravo Jehovah

5. Mankahery atsika fahaizan̈a ny marin̈y momba olo maty

Maro olo nampianarin̈y fa olo maty zen̈y saziny Zan̈ahary amy fahotan̈anany taminizy mbala velon̈o. Ten̈a mankahery atsika mahay fa olo maty efa tsy mijaly eky, ndray olo nahavita raha farany ratsy. Vakia Romanina 6:7, avio iaraha dinihin̈y fan̈ontanian̈a ty:

Koran̈iny andininy io fa olo maty afaka madiodio amy fahotan̈a. Ke dikanizen̈y ma izy mbala mijaly baka tamy fahotan̈anany taminizy mbala velon̈o in̈y fo?

Atsika koa mahay tsarabe Jehovah, atsika man̈eky fa izy tsy mampijaly olo maty foeky. Vakia Deoteronomia 32:4 ndreky 1 Jaona 4:8, avio iaraha dinihin̈y fan̈ontanian̈a aby ty: