FOMBA FIAIN̈ANA KRISTIANIN̈Y

Hatsarà Fanompoan̈anao: Man̈anova Fomba Hitohizany Koran̈a amy Man̈araka

INO ILÀN̈A ZEN̈Y:

Atsika mila mandrozy voany fahamarin̈ana natsabontsika. (1Ko 3:6) Atsika koa fa mahita olo von̈ono hitandren̈y, tsara atsika mikoran̈a fan̈ontanian̈a araiky aminany hivalin̈y, koa fa mitsidiky. Atsika koa man̈ano zen̈y, olo io efa mieritreritry raha hikoran̈intsika aminany, baka io koa ho mora amintsika man̈oman̈a, koa fa hitsidiky. Atsika amy zay koa fa mimpody aminany, volan̈intsika aminany fa handeha hamaly fan̈ontanian̈a in̈y diantsika.

AKORY AN̈ANOVAN̈A ZEN̈Y:

Vavolombelon̈o Jehovah araiky man̈oman̈a alohany hitsiky olo, mikoran̈a aminolo io, baka io mangala antsoratra.

Izikoa anao fa man̈oman̈a fitorian̈a isaka tran̈o, mitadiava fan̈ontanian̈a hivalin̈y, koa fa mitsidiky. Mety amy raha hamianao izy ao fo valiny, na mety amy boky hafa fampianarantsika Baiboly.
Amy farany koran̈a ataonaro, izikoa mbala tianolo io hitohizany koran̈a amy man̈araka, volàn̈a aminany fan̈ontanian̈a hivalin̈y amizio. Aleva raha mombamomba izy, izikoa mety.
Anao koa fa nivolan̈a himpody, mimpodiana ankitin̈y.—Mt 5:37.