HATSARÀ FANOMPOAN̈ANAO Man̈anova Fitsidihan̈a

INO ILÀN̈A ZEN̈Y: Ankamarozanolo mitandren̈y hafatra momba Fanjakan̈a io mitady ny marin̈y momba Zan̈ahary. (Is 55:6) Mimpodipody isaka teteky amindro an̈y atsika, fotony atsika tihampianatra iro. Tsy mitovy problemo andalovandro io, ke arakaraka zen̈y han̈ampiantsika iro. Kanefa, hahomby fo atsika izikoa man̈oman̈a tsara ndreky manan̈a tanjon̈o isaka atsika mitsidiky olo. Hanomboko fampianaran̈a Baiboly ten̈a tanjon̈ontsika io.

AKORY AN̈ANOVAN̈A ZEN̈Y:

• Mimpodiana malaky aminany an̈y, afaka andra vitsivitsy.—Mt 13:19

• Aza mihafahafa, kanefa ataova ampan̈ajan̈a fo koran̈a. Aza mavozovozo

• Mba mitokitokiza izikoa fa man̈ano mbalatsara. Ton̈ona an̈aranany. Ampatsiarova izy antondianao. Ohatra: hamaly fan̈ontanian̈a, han̈atitry gazety farany, han̈aboaka tranonkalantsika, video, fomba fianaran̈a Baiboly. Izikoa misy raha hafa tiany ho hay, ataova mifan̈araka amy zen̈y koran̈a.—Fi 2:4

• Rozia voany fahamarin̈ana nafafy tamy fonany, ke ikoran̈a hevitry baka amy Baiboly izy, baka io amia boky na gazety izikoa ilain̈y. (1Ko 3:6) Ataova raha hifankazahoan̈a tsara aminany

• Volàn̈a aminany ino koa raha hikoran̈inaro amy man̈araka