FOMBA FIAIN̈ANA KRISTIANIN̈Y
Aza Adin̈a Mivavaka Nindro Kristianin̈y Hinjehin̈y
Baiboly nivolan̈a fa Satana han̈enjiky atsika baka fanompoan̈a ataontsika voasakantsakana. (Jn 15:20; Ap 12:17) Misy piaramanompo amintsika hinjehin̈y antany hafa an̈y. Akory ataontsika han̈ampy namantsika aby zen̈y? Azontsika atao mivavaka nindro. “Ten̈a mahery fangatahan̈a ataonolo marin̈y.”—Jk 5:16.
Ino raha mety hangatantsika amy vavaka? Atsika mety mangataka baka Jehovah han̈amia iro rahalahintsika ndreky anabavintsika aby io herimpo ndreky han̈ampy iro tsy havozo. (Is 41:10-13) Atsika koa mety mivavaka baka iro manampahifan̈a aby io han̈omba atsika hitory, ‘amy zen̈y atsika hanan̈a fiain̈ana tsisy tabataba ndreky milamin̈y.’—1Ti 2:1, 2.
Paoly ndreky Petera koa fa ninjehin̈y, iro Kristianin̈y tamy taonjato voanalohany tan̈y nivavaka momba iro, ke nanon̈ono an̈arandro. (As 12:5; Ro 15:30, 31) Atsika mety tsy mahay an̈aran̈a piaramanompo jiaby hinjehin̈y amizioty. Kanefa, tsara atsika koa mba manon̈ono amy vavaka fiangonan̈a, na tany, na faritry misy iro.