HATSARÀ FANOMPOAN̈ANAO Koràn̈a aby Olo Jiaby amy Faritany

INO ILÀN̈A ZEN̈Y: Zakaria naminan̈y fa hisy olo baka amy firenena jiaby hitandren̈y vaovao tsara io. (Za 8:23) Kanefa azovy olo hampianatra iro io? (Ro 10:13-15) Adidy ndreky tombontsoantsika mikoran̈a vaovao tsara io aminolo jiaby amy faritanintsika.—od 83-84 § 10-11.

AKORY AN̈ANOVAN̈A ZEN̈Y:

• Man̈omàn̈a. Miteny vazaha ma olo io? Ampiasà programo JW Language hianaran̈a fomba tsotra hitorian̈a. Na mampiasà fitaovan̈a elektroniky han̈ambaran̈a izy aia tany mety hahitany fan̈azavan̈a maro amy volan̈anany, amy jw.org ao

• Mahaiza mandiniky. Anao koa fa mitory isaka tran̈o, hararaota hitorian̈a koa olo mandalo ndreky olo miambin̈y an̈aty tomabily. Anao koa fa mitory amy tany misy olo maro, aleva onon̈o fa handeha hikoran̈a fahamarin̈ana aminolo tanjon̈onao

• Mifen̈a fo. Mimpodiana ndraiky aminolo tsy takatra tantran̈o. Mety mila mandalo an̈y anao amy lera na andra hafa, hizahan̈a olo amy tran̈o tsiaraikiaraiky. Mety ho baka amy fitorian̈a amy lalan̈a, na amy taratasy, na amy telefony ahafahan̈a mitory aminolo sasany

• Ampia lan̈iany olo tia. Mimpodiana malaky aminolo nitandren̈y. Izikoa izy vahiny, mitadiava pitory mahay volan̈anany sady mahavita man̈ampy izy. Tokony hitsidiky izy fo anao izikoa mbala tsendriky misy pitory mahay volan̈a io mandeha aminany an̈y.—od 94 § 39-40

ZAHAVA VIDEO FITORIAN̈A “AMY FARITRY AMY TANY FARANY LAVITRY AN̈Y”, AVIO VALIA FAN̈ONTANIN̈A ABY TY:

• 

  Ino fioman̈ana nataony pitory aby io talohany handihanandro tamy faritany lavitry? (1Ko 9:22, 23)

• 

  Ino aby raha sarotro nandalovandro?

• 

  Ino aby hatsaran̈a nazondro?

• Ino ezaka mety ataonao baka hikoran̈ana aminolo maro amy faritaninao?