Jehovah Tia Olo Madio

‘Sasà tan̈anao. Fafà tran̈o. Ataova pasifon. Sasà kiraronao.’ Maro raimandreny mampianatra zanany ho zatra madio. Ny marin̈y aminany, baka amy Jehovah, Zan̈ahary masin̈y, toro lalan̈a momba fahadiovan̈a io. (Ek 30:18-20; De 23:14; 2Ko 7:1) Man̈amia voninahitry Jehovah atsika izikoa madio fo vatan̈antsika ndreky fanan̈anantsika. (1Pe 1:14-16) Man̈ano akory tran̈ontsika ndreky man̈odidin̈y atsika? Tsy mampan̈ino olo amy donia ty man̈arin̈ary raha amy lalan̈a na amy tany fitsangatsanganan̈a. Atsika Kristianin̈y ndraiky mitandrin̈y mare, baka tsy han̈ano raha mandoto tany ty. (Sl 115:16; Ap 11:18) Ahitan̈a toetsain̈intsika momba fahadiovan̈a io ndray amy raha madiniky, karaha ataony lera man̈ary fon̈ony bonbon, rakotro tavoangy, na silgomy. Aboakantsika amy fiain̈anantsika jiaby fa atsika io ‘olony Zan̈ahary.’—2Ko 6:3, 4.

ZAHAVA VIDEO ZAN̈AHARY TIA OLO MADIO, BAKA IO VALIA FAN̈ONTANIAN̈A ABY TY:

• Ino raha ataonolo sasany tamban̈a tsy han̈adiovan̈a fanan̈anandro?

• Izikoa Lalàn̈any Mosesy zahan̈a, akory fahitany Jehovah fahadiovan̈a io?

• Akory hataontsika han̈amia voninahitry Jehovah, ndray atsika tsy mivolan̈a?