Man̈amia Voninahitry Jehovah Fan̈anovan̈a Pisava Lalan̈a

Nanan̈a antony maro tokony hideran̈a Jehovah iro Israelita aby io. Izy nan̈adoso iro ta Ezipty tan̈y ndreky namonjy iro tsy nazony tafikiny Farao! (Ek 15:1, 2) Mbala maro koa raha tsara ataony Jehovah amy vahoakanany izioty. Akory han̈aboahantsika fa atsika mankasitraka izy?—Sl 116:12.

Fomba araiky an̈anovan̈a zen̈y fan̈anovan̈a pisava lalan̈a pan̈ampy na maharitry. Afaka mivavaka amy Jehovah anao, baka han̈iry ndreky hahazo angovo han̈anovan̈a izio. (Fi 2:13) Maro man̈ano pisava lalan̈a pan̈ampy antsendriky. Anao mety mifidy na han̈ano 30 lera na 50 lera amy fanjava Marsy ndreky Avrily, na lera fitsidihany piandraikitry faritry. Anao koa fa mahazo sirony fan̈anovan̈a pisava lalan̈a pan̈ampy io, mety tihan̈ano pisava lalan̈a maharitry amy zay anao. Ndray olo miasa man̈ariva andra na olo tsy salama samy mahavita man̈ano pisava lalan̈a maharitry fo. (mwb16.07 8) Ten̈a mendriky amian̈a voninahitry Jehovah, ke man̈ano zen̈y atsika izikoa mifen̈y midera izy!—1Ta 16:25.

ZAHAVA VIDEO IRO TELO MIRAHAVAVY A MONGOLIE, BAKA IO AN̈ONTANIA PAN̈ATRIKY:

• 

  Ino problemondro ranabavy telo aby io tamy voanalohany, kanefa karakory nataondro nandresy izio baka iro afaka nan̈ano pisava lalan̈a?

• 

  Ino aby hatsaran̈a nazondro?

• 

  Ino aby tombontsoampanompoan̈a nazondro nohoniro nan̈ano pisava lalan̈a maharitry?

• 

  Ino vokatrany ohatra tsarandro io taminolo hafa?